ಇಶಾಂತ್ ಶರ್ಮಾ ಪಾಲಿಗೆ ಇದೇ ಕೊನೆ ಟೆಸ್ಟ್ ಸರಣಿ?

ಮುಂಬೈ: ಇತ್ತೀಚೆಗೆ ಫಾರ್ಮ್ ಸಮಸ್ಯೆಯಿಂದ ಬಳಲುತ್ತಿರುವ ಟೀಂ ಇಂಡಿಯಾ ವೇಗಿ ಇಶಾಂತ್ ಶರ್ಮಾಗೆ ದ.ಆಫ್ರಿಕಾ ವಿರುದ್ಧದ ಟೆಸ್ಟ್ ಸರಣಿಗೆ ಅವಕಾಶ ಸಿಕ್ಕಿರುವುದೇ ಅದೃಷ್ಟ.

ಒಂದು ವೇಳೆ ಅವರು ಈ ಸರಣಿಯಲ್ಲೂ ವಿಕೆಟ್ ಕೀಳಲು ವಿಫಲರಾದರೆ ಇದೇ ಅವರ ಕೊನೆಯ ಪ್ರವಾಸವಾಗಲಿದೆ ಎಂಬ ಮಾತುಗಳು ಕೇಳಿಬರುತ್ತಿವೆ.

ಇಶಾಂತ್ ಈಗಾಗಲೇ ಭಾರತದ ಪರ 105 ಟೆಸ್ಟ್ ಪಂದ್ಯಗಳನ್ನು ಆಡಿರುವ ಅನುಭವಿ. ಅವರ ಅನುಭವದ ಆಧಾರದಲ್ಲಿ ಮತ್ತೊಂದು ಅವಕಾಶ ನೀಡಲಾಗಿದೆ. ಆದರೆ ವಿಕೆಟ್ ಕೀಳದೇ ತಂಡದಲ್ಲಿರಿಸಿಕೊಳ್ಳುವ ಸ್ಥಿತಿಯಲ್ಲಿ ಮ್ಯಾನೇಜ್ ಮೆಂಟ್ ಇಲ್ಲ. ತಂಡದಲ್ಲಿ ಈಗಾಗಲೇ ಹಲವು ಯುವ ವೇಗಿಗಳು ಅವಕಾಶಕ್ಕಾಗಿ ಸರತಿಯಲ್ಲಿದ್ದಾರೆ. ಹೀಗಾಗಿ ಇಶಾಂತ್ ಉತ್ತಮ ಪ್ರದರ್ಶನ ನೀಡದೇ ಇದ್ದರೆ ಇದುವೇ ಅವರ ಪಾಲಿಗೆ ಕೊನೆಯ ಸರಣಿಯಾಗಬಹುದು.