ಟೆಸ್ಟ್ ಗೆ ರೋಹಿತ್ ಗೈರು, ಏಕದಿನಕ್ಕೆ ಕೊಹ್ಲಿ ಗೈರು: ಟೀಂ ಇಂಡಿಯಾದಲ್ಲಿ ಮುಸುಕಿನ ಗುದ್ದಾಟ?

ಮುಂಬೈ: ದ.ಆಫ್ರಿಕಾ ಸರಣಿಗೆ ಮೊದಲು ಟೀಂ ಇಂಡಿಯಾ ಸೀಮಿತ ಓವರ್ ಗಳ ನಾಯಕತ್ವದ ಸಂಪೂರ್ಣ ಹೊಣೆ ರೋಹಿತ್ ಶರ್ಮಾಗೆ ನೀಡಿದ್ದು ಕೊಹ್ಲಿ ಅಸಮಾಧಾನಕ್ಕೆ ಕಾರಣವಾಗಿದೆ ಎನ್ನಲಾಗಿದೆ.

ಆದರೆ ಕೊಹ್ಲಿ ಟೆಸ್ಟ್ ತಂಡದ ನಾಯಕರಾಗಿದ್ದಾರೆ. ದ.ಆಫ್ರಿಕಾ ವಿರುದ್ಧದ ಟೆಸ್ಟ್ ಸರಣಿಗೆ ಮುನ್ನ ಗಾಯಗೊಂಡಿರುವ ಸೀಮಿತ ಓವರ್ ಗಳ ನಾಯಕ ರೋಹಿತ್ ಶರ್ಮಾ ಟೆಸ್ಟ್ ಸರಣಿಯಿಂದ ಹೊರಬಿದ್ದಿದ್ದಾರೆ.

ಇನ್ನೊಂದೆಡೆ ವಿರಾಟ್ ಕೊಹ್ಲಿ ಏಕದಿನ ಸರಣಿಗೆ ಅಲಭ್ಯರಾಗುವುದಾಗಿ ಬಿಸಿಸಿಐಗೆ ಹೇಳಿದ್ದಾರೆ ಎನ್ನಲಾಗಿದೆ. ಜನವರಿಯಲ್ಲಿ ಕೊಹ್ಲಿ ಪುತ್ರಿ ಜನ್ಮದಿನವಿದೆ. ಜೊತೆಗೆ ಅನುಷ್ಕಾ ಜನ್ಮದಿನವಿದೆ. ಇವೆರಡು ಕಾರಣಕ್ಕೆ ಕುಟುಂಬದ ಜೊತೆ ಕಾಲ ಕಳೆಯಲು ಕೊಹ್ಲಿ ಏಕದಿನ ಸರಣಿಯಿಂದ ಹೊರ ನಡೆಯುವ ನಿರ್ಧಾರ ಮಾಡಿದ್ದಾರೆ ಎನ್ನಲಾಗಿದೆ. ಹಾಗಿದ್ದರೂ ಇದು ನೆಪ ಮಾತ್ರ. ನಿಜವಾಗಿ ಕೊಹ್ಲಿಯ ನಿರ್ಧಾರದ ಹಿಂದೆ ಅಸಮಾಧಾನವೂ ಕಾರಣ ಎನ್ನುವ ಮಾತೂ ಕೇಳಿಬರುತ್ತಿದೆ.