ಬೆಂಗಳೂರು: ಕಿಂಗ್ಸ್ ಇಲೆವೆನ್ ಪಂಜಾಬ್ ಪರ ಕ್ರಿಸ್ ಗೇಲ್ ಮತ್ತು ಕೆಎಲ್ ರಾಹುಲ್ ಆಡುವ ಪರಿ ನೋಡಿ ಇದೀಗ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಬಾಯಿ ಬಾಯಿ ಬಡಿದುಕೊಳ್ತಿದೆಯಂತೆ.
ಕಳೆದ ಆವೃತ್ತಿಯವರೆಗೂ ಇವರಿಬ್ಬರೂ ಆರ್ ಸಿಬಿ ಪರ ಆಡುತ್ತಿದ್ದರು. ಆದರೆ ಈ ಆವೃತ್ತಿಗೆ ಇಬ್ಬರೂ ಆಟಗಾರರನ್ನು ಆರ್ ಸಿಬಿ ಹರಾಜಿಗೆ ಬಿಟ್ಟುಕೊಟ್ಟಿತ್ತು. ಆದರೆ ಪಂಜಾಬ್ ತಂಡದಲ್ಲಿ ಇಬ್ಬರೂ ಸಿಡಿಯುತ್ತಿರುವುದನ್ನು ನೋಡಿ ಐಪಿಎಲ್ ಅಭಿಮಾನಿಗಳು ಟ್ವಿಟರ್ ನಲ್ಲಿ ಆರ್ ಸಿಬಿ ಕಾಲೆಳೆಯುತ್ತಿದ್ದಾರೆ.
ಈ ಐಪಿಎಲ್ ಕೂಟದ ಮೊದಲ ಶತಕ ದಾಖಲಿಸಿದ್ದ ಗೇಲ್ ನಿನ್ನೆಯ ಪಂದ್ಯದಲ್ಲೂ ಅರ್ಧಶತಕ ಸಿಡಿಸಿದ್ದರು. ಅತ್ತ ರಾಹುಲ್ ಕೂಡಾ ಆರಂಭಿಕ ಪಂದ್ಯದಿಂದ ಹಿಡಿದು ನಿನ್ನೆಯ ಪಂದ್ಯದವರೆಗೆ ಪ್ರತೀ ಪಂದ್ಯದಲ್ಲೂ ಉಪಯುಕ್ತ ಕಾಣಿಕೆ ಸಲ್ಲಿಸುತ್ತಿದ್ದಾರೆ. ಇವರಿಬ್ಬರ ಆಟ ನೋಡಿ ಆರ್ ಸಿಬಿ ಹೊಟ್ಟೆ ಉರಿದುಕೊಳ್ಳುತ್ತಿದೆ ಎಂದು ಅಭಿಮಾನಿಗಳು ಇದೀಗ ಟ್ವಿಟರ್ ನಲ್ಲಿ ಟ್ರೋಲ್ ಮಾಡುತ್ತಿದ್ದಾರೆ.
ತಾಜಾ ಸುದ್ದಿಗಳನ್ನು ಓದಲು ವೆಬ್ ದುನಿಯಾ ಮೊಬೈಲ್ ಆಪ್ ಡೌನ್ ಲೋಡ್ ಮಾಡಿಕೊಳ್ಳಿ.