ಲೀಡ್ಸ್: ಭಾರತ ಮತ್ತು ಇಂಗ್ಲೆಂಡ್ ನಡುವೆ ನಡೆಯುತ್ತಿರುವ ಮೊದಲ ಟೆಸ್ಟ್ ಪಂದ್ಯದ ಮೊದಲ ದಿನ ಟೀಂ ಇಂಡಿಯಾ ಪರ ಆರಂಭಿಕರಾಗಿ ಕಣಕ್ಕಿಳಿದಿರುವ ಕೆಎಲ್ ರಾಹುಲ್ ಅವರ ಮನಮೋಹಕ ಕವರ್ ಡ್ರೈವರ್ ನೋಡುಗರ ಮನ ಸೆಳೆದಿದೆ.
ಇಂದು ಟಾಸ್ ಗೆದ್ದ ಇಂಗ್ಲೆಂಡ್ ಮೊದಲು ಫೀಲ್ಡಿಂಗ್ ಆಯ್ದುಕೊಂಡಿತು. ಶುಬ್ಮನ್ ಗಿಲ್ ಯುವ ನಾಯಕತ್ವದಲ್ಲಿ ಟೀಂ ಇಂಡಿಯಾ ಕತೆ ಹೇಗೋ ಎಂಬ ಆತಂಕವನ್ನು ಆರಂಭಿಕರಾದ ಕೆಎಲ್ ರಾಹುಲ್ ಮತ್ತು ಯಶಸ್ವಿ ಜೈಸ್ವಾಲ್ ನಿವಾರಿಸಿದರು.
ಆರಂಭಿಕರಾಗಿ ಕಣಕ್ಕಿಳಿದ ಕೆಎಲ್ ರಾಹುಲ್ ಮನಮೋಹಕ ಹೊಡೆತಗಳ ಮೂಲಕ ಪ್ರೇಕ್ಷಕರನ್ನು ರಂಜಿಸಿದರು. ಅದರಲ್ಲೂ ಕ್ರಿಸ್ ವೋಕ್ಸ್ ಎಸೆತದಲ್ಲಿ ರಾಹುಲ್ ಬ್ಯಾಟ್ ನಿಂದ ಸಿಡಿದ ಕ್ಲಾಸಿಕ್ ಕವರ್ ಡ್ರೈವ್ ಹೊಡೆತವೊಂದು ವಾವ್ ಎನ್ನುವಂತಿತ್ತು.
ಕೆಎಲ್ ರಾಹುಲ್ ಮತ್ತು ಜೈಸ್ವಾಲ್ ಇದುವರೆಗೆ ಆರಂಭಿಕ ವಿಕೆಟ್ ಗೆ 67 ರನ್ ಕಲೆ ಹಾಕಿದ್ದಾರೆ. ಈ ಪೈಕಿ ರಾಹುಲ್ 34, ಜೈಸ್ವಾಲ್ 30 ರನ್ ಗಳಿಸಿದ್ದಾರೆ. ಕೆಎಲ್ ರಾಹುಲ್ ಕವರ್ ಡ್ರೈವ್ ಹೊಡೆತದ ವಿಡಿಯೋ ಇಲ್ಲಿದೆ ನೋಡಿ.
