ವಿರಾಟ್-ಅನುಷ್ಕಾ ನಡುವೆ ಬಂದ ಕೆಎಲ್ ರಾಹುಲ್, ಹಾರ್ದಿಕ್ ಪಾಂಡ್ಯ!

ಲೀಡ್ಸ್: ಟೀಂ ಇಂಡಿಯಾ ಕ್ರಿಕೆಟಿಗರು ಇಂಗ್ಲೆಂಡ್ ವಿರುದ್ಧ ಮೂರನೇ ಏಕದಿನ ಪಂದ್ಯವಾಡಲು ಲೀಡ್ಸ್ ಗೆ ರೈಲು ಮೂಲಕ ಪ್ರಯಾಣ ಬೆಳೆಸಿದ್ದಾರೆ.

ಲಾರ್ಡ್ಸ್ ಕ್ರಿಕೆಟ್ ಮೈದಾನದಲ್ಲಿ ದ್ವಿತೀಯ ಪಂದ್ಯ ಮುಗಿಸಿ ಇದೀಗ ಲೀಡ್ಸ್ ಕಡೆಗೆ ನಡೆದಿರುವ ಕ್ರಿಕೆಟಿಗರು ರೈಲು ಯಾನ ಮಾಡಿ ಖುಷಿಪಟ್ಟಿದ್ದಾರೆ. ಅದರಲ್ಲೂ ವಿಶೇಷವಾಗಿ ಕೆಎಲ್ ರಾಹುಲ್, ಹಾರ್ದಿಕ್ ಪಾಂಡ್ಯ ತಮ್ಮ ನಾಯಕ ವಿರಾಟ್ ಕೊಹ್ಲಿ ಮತ್ತು ಅನುಷ್ಕಾ ಜತೆಗೇ ಕೂತು ಪ್ರಯಾಣ ಬೆಳೆಸಿದ್ದಾರೆ.

ಈ ಮುದ್ದಾದ ಜೋಡಿಯ ನಡುವೆ ಕುಳಿತು ಮಜವಾಗಿ ಪ್ರಯಾಣ ಮಾಡುತ್ತಿರುವ ಫೋಟೋವನ್ನು ತಮ್ಮ ಇನ್ ಸ್ಟಾಗ್ರಾಂನಲ್ಲಿ ಹಾಕಿರುವ ಕೆಎಲ್ ರಾಹುಲ್,  ‘ಈ ಅದ್ಭುತ ವ್ಯಕ್ತಿಗಳ ಜತೆಗೆ ಲೀಡ್ಸ್ ಕಡೆಗೆ ರೈಲು ಪ್ರಯಾಣ ಖುಷಿ ಕೊಟ್ಟಿದೆ’ ಎಂದು ಬರೆದುಕೊಂಡಿದ್ದಾರೆ.

ಎಲ್ಲೇ ಹೋದರೂ ವಿರಾಟ್, ಹಾರ್ದಿಕ್ ಮತ್ತು ಕೆಎಲ್ ರಾಹುಲ್ ರನ್ನು ಜತೆಗೇ ಕರೆದೊಯ್ಯುತ್ತಾರೆ. ಇದೀಗ ಪತ್ನಿಯಿದ್ದರೂ ಗೆಳೆಯರನ್ನು ಮಾತ್ರ ಬಿಟ್ಟುಕೊಟ್ಟಿಲ್ಲ ಎನ್ನುವುದಕ್ಕೆ ಈ ಫೋಟೋವೇ ಸಾಕ್ಷಿ.

ತಾಜಾ ಸುದ್ದಿಗಳನ್ನು ಓದಲು ವೆಬ್ ದುನಿಯಾ ಮೊಬೈಲ್ ಆಪ್ ಡೌನ್ ಲೋಡ್ ಮಾಡಿಕೊಳ್ಳಿ.