ಕೊಹ್ಲಿಗಿಂತ ಒಳ್ಳೆ ಕ್ಯಾಪ್ಟನ್ ಆರ್ ಸಿಬಿಗೆ ಸಿಗಲ್ಲ: ಹರ್ಭಜನ್ ಸಿಂಗ್

ಬೆಂಗಳೂರು: ಐಪಿಎಲ್ 2022 ರಿಂದ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡದ ಚುಕ್ಕಾಣಿ ಹಿಡಿಯುವವರು ಯಾರು ಎಂಬ ಪ್ರಶ್ನೆಗೆ ಇನ್ನೂ ಸ್ಪಷ್ಟ ಉತ್ತರ ಸಿಕ್ಕಿಲ್ಲ.

ವಿರಾಟ್ ಕೊಹ್ಲಿಯ ಉತ್ತರಾಧಿಕಾರಿ ಯಾರು ಎಂಬ ಪ್ರಶ್ನೆಗೆ ಆರ್ ಸಿಬಿ ಮ್ಯಾನೇಜ್‍ ಮೆಂಟ್ ತಲೆಕೆಡಿಸಿಕೊಂಡು ಕೂತಿದೆ. ಇದುವರೆಗೆ ಸೂಕ್ತ ನಾಯಕನನ್ನು ಹುಡುಕಾಡಲು ಆರ್ ಸಿಬಿ ವಿಫಲವಾಗಿದೆ. ಈ ನಡುವೆ ಈ ಒಂದು ಋತುವಿಗಾದರೂ ಕೊಹ್ಲಿಯೇ ಮುಂದುವರಿಯಲಿ ಎಂಬ ಮಾತುಗಳೂ ಕೇಳಿಬರುತ್ತಿವೆ. ಅದಕ್ಕೆ ಕೊಹ್ಲಿ ಒಪ್ಪುತ್ತಾರೋ, ಇಲ್ಲವೋ ಬೇರೆ ವಿಷಯ.

ಆದರೆ ಮಾಜಿ ಕ್ರಿಕೆಟಿಗ ಹರ್ಭಜನ್ ಸಿಂಗ್ ಈ ಬಗ್ಗೆ ಹೇಳಿಕೆ ನೀಡಿದ್ದು, ಆರ್ ಸಿಬಿಗೆ ಕೊಹ್ಲಿಗಿಂತ ಉತ್ತಮ ನಾಯಕ ಮತ್ತೊಬ್ಬ ಸಿಗಲ್ಲ ಎಂದಿದ್ದಾರೆ. ಇಶಾನ್, ಶ್ರೇಯಸ್ ರಂತಹ ಪ್ರತಿಭಾವಂತರನ್ನು ತಂಡಕ್ಕೆ ಕರೆತರಬಹುದು. ಆದರೆ ಕೊಹ್ಲಿಯಂತಹ ಒಳ್ಳೆಯ ನಾಯಕ ಆರ್ ಸಿಬಿಗೆ ಸಿಗಲ್ಲ. ನನ್ನ ಪ್ರಕಾರ ಅವರೇ ಮುಂದುವರಿಯಬೇಕು ಎಂದಿದ್ದಾರೆ ಭಜಿ.