ನವದೆಹಲಿ: ರಣಜಿ ಟ್ರೋಫಿ ಪಂದ್ಯದಲ್ಲಿ ತವರು ದೆಹಲಿ ಪರ ಆಡುತ್ತಿರುವ ವಿರಾಟ್ ಕೊಹ್ಲಿ ಕೊನೆಗೂ ಬ್ಯಾಟಿಂಗ್ ಮಾಡಲು ಕ್ರೀಸ್ ಗೆ ಬಂದಿದ್ದಾರೆ. ಅವರ ಬ್ಯಾಟಿಂಗ್ ನೋಡಲೆಂದೇ ಬಂದಿರುವ ಅಭಿಮಾನಿಗಳ ಪ್ರತಿಕ್ರಿಯೆ ಹೇಗಿತ್ತು ವಿಡಿಯೋ ನೋಡಿ.
ರೈಲ್ವೇಸ್ ವಿರುದ್ಧದ ಪಂದ್ಯದಲ್ಲಿ ಕೊಹ್ಲಿ ರಣಜಿ ಪಂದ್ಯವಾಡುತ್ತಿದ್ದಾರೆ. ಬರೋಬ್ಬರಿ 13 ವರ್ಷಗಳ ಬಳಿಕ ಅವರು ರಣಜಿ ಪಂದ್ಯದಲ್ಲಿ ಬ್ಯಾಟಿಂಗ್ ಮಾಡುತ್ತಿದ್ದಾರೆ. ಇಂದು 32 ರನ್ ಗಳಿಸಿದ್ದ ಯಶ್ ಧುಲ್ ಔಟಾಗುತ್ತಿದ್ದಂತೇ ಕೊಹ್ಲಿ ಮೂರನೆಯ ಕ್ರಮಾಂಕದಲ್ಲಿ ಕ್ರೀಸ್ ಗೆ ಬಂದಿದ್ದಾರೆ.
ಕೊಹ್ಲಿ ಮೈದಾನಕ್ಕೆ ಬರುತ್ತಿದ್ದಂತೇ ಅಭಿಮಾನಿಗಳ ಹರ್ಷೋದ್ಗಾರ ಮೇರೆ ಮೀರಿತ್ತು. ಅವರು ಮೊದಲನೆಯ ರನ್ ಗಳಿಸಿದಾಗಲೂ ಪ್ರೇಕ್ಷಕರು ಭಾರೀ ಕರಾಡತನ ಮಾಡಿದರು. ಕೊಹ್ಲಿಗೆ ಕ್ರೀಸ್ ಗೆ ಬರುತ್ತಿದ್ದಂತೇ ಅಭಿಮಾನಿಗಳು ಎದ್ದು ನಿಂತು ತಮ್ಮ ಸಂಭ್ರಮ ಹಂಚಿಕೊಂಡರು.
ವಿರಾಟ್ ಕೊಹ್ಲಿ ಆಡುತ್ತಿದ್ದಾರೆಂಬ ಕಾರಣಕ್ಕೆ ದೆಹಲಿಯ ಮೈದಾನದಲ್ಲಿ ರಣಜಿ ಪಂದ್ಯವಾದರೂ ಪ್ರೇಕ್ಷಕರು ಅಂತಾರಾಷ್ಟ್ರೀಯ ಪಂದ್ಯಕ್ಕೆ ಬರುವಷ್ಟು ಸಂಖ್ಯೆಯಲ್ಲಿ ಬಂದಿದ್ದಾರೆ. ಇದು ಕೊಹ್ಲಿಯ ಕ್ರೇಜ್ ಎಷ್ಟು ಎಂಬುದಕ್ಕೆ ಸಾಕ್ಷಿ ಎನ್ನಬಹುದು.
