Publish Date: Sat, 19 Oct 2019 (10:55 IST)
Updated Date: Sat, 19 Oct 2019 (10:59 IST)
ರಾಂಚಿ: ಸತತವಾಗಿ ಟಾಸ್ ಸೋತು ಪಂದ್ಯವನ್ನೂ ಸೋತು ಹತಾಶೆಗೊಳಗಾಗಿದ್ದ ದ.ಆಫ್ರಿಕಾ ಕ್ರಿಕೆಟ್ ತಂಡದ ನಾಯಕ ಇಂದು ಹೇಗಾದರೂ ಟಾಸ್ ಗೆಲ್ಲಲೇಬೇಕೆಂದು ಉಪನಾಯಕನನ್ನೂ ಜತೆಗೇ ಕರೆತಂದರು! ಹಾಗಿದ್ದರೂ ಅವರ ಹಣೆಬರಹ ಮಾತ್ರ ಬದಲಾಗಲಿಲ್ಲ!
ಟಾಸ್ ಸಂದರ್ಭದಲ್ಲಿ ಸಾಮಾನ್ಯವಾಗಿ ಉಭಯ ತಂಡಗಳ ನಾಯಕರು ಆಗಮಿಸುವುದು ಸಾಮಾನ್ಯ. ಆದರೆ ತಾವೇ ಬಂದರೆ ಟಾಸ್ ಸೋತು ಹೋಗುತ್ತೇವೆ ಎಂಬ ನಂಬಿಕೆಯಲ್ಲಿ ದ.ಆಫ್ರಿಕಾ ನಾಯಕ ಫಾ ಡು ಪ್ಲೆಸಿಸ್ ಉಪನಾಯಕ ಬವುಮಾರನ್ನು ಜತೆಗೇ ಕರೆದುಕೊಂಡು ಬಂದಿದ್ದರು. ಹಾಗಿದ್ದರೂ ದುರಾದೃಷ್ಟ ಫಾ ಡು ಪ್ಲೆಸಿಸ್ ರನ್ನು ಬಿಡಲಿಲ್ಲ. ಇಂದೂ ಮತ್ತೆ ಟಾಸ್ ಸೋತು ಫೀಲ್ಡಿಂಗ್ ಮಾಡುವಂತಾಗಿದೆ.