ಮೈದಾನದಲ್ಲಿ ಹಾಜರಿರುವ ಭಾರತೀಯ ಅಭಿಮಾನಿಗಳ ಬಗ್ಗೆ ಇಂಗ್ಲೆಂಡ್ ನಾಯಕ ಹೇಳಿದ್ದೇನು?

ಬ್ರಿಸ್ಟೋಲ್: ಭಾರತ ಮತ್ತು ಇಂಗ್ಲೆಂಡ್ ನಡುವೆ ಟಿ20 ಸರಣಿ ನಡೆದಿದ್ದು ಇಂಗ್ಲೆಂಡ್ ನಲ್ಲಿಯೇ ಆದರೂ ಟೀಂ ಇಂಡಿಯಾ ಆಟಗಾರರಿಗೆ ಅದೂ ಭಾರತದಂತೆಯೇ ಭಾಸವಾಗಿತ್ತು.

ಅದಕ್ಕೆ ಕಾರಣ ಭಾರತದ ಅಭಿಮಾನಿಗಳು. ಪ್ರತೀ ಪಂದ್ಯದಲ್ಲೂ ಭಾರತ ಕ್ರಿಕೆಟ್ ತಂಡದ ಅಧಿಕೃತ ಅಭಿಮಾನಿಗಳ ಸಂಘ ಭಾರತ್ ಆರ್ಮಿ ಸೇರಿದಂತೆ ಇತರ ಅಭಿಮಾನಿಗಳು ಗುಂಪು ಕಟ್ಟಿಕೊಂಡು ತಮ್ಮ ತಂಡವನ್ನು ಚಿಯರ್ ಅಪ್ ಮಾಡುತ್ತಿದ್ದನ್ನು ನೋಡಿ ಸ್ವತಃ ಇಂಗ್ಲೆಂಡ್ ಕ್ರಿಕೆಟ್ ತಂಡದ ನಾಯಕ ಇಯಾನ್ ಮಾರ್ಗನ್ ಹೊಗಳಿದ್ದಾರೆ.

ಪಂದ್ಯದ ನಂತರ ನಡೆದ ಸಮಾರೋಪ ಸಮಾರಂಭದಲ್ಲಿ ಮಾರ್ಗನ್ ಭಾರತದ ಅಭಿಮಾನಿಗಳಿಗೆ ವಿಶೇಷ ಮೆಚ್ಚುಗೆ ನೀಡಿದರು. ‘ನಮಗೆ ಇಂತಹ ಪ್ರೇಕ್ಷಕರ ಎದುರು ಆಡುವುದು ಅಭ್ಯಾಸವಾಗಿ ಹೋಗಿದೆ. ಭಾರತವಿರಲಿ, ಪಾಕಿಸ್ತಾನದ ವಿರುದ್ಧವಿರಲಿ, ಆಡುವಾಗ ಅವರ ತಂಡವನ್ನು ಚಿಯರ್ ಅಪ್ ಮಾಡಲು ಅಸಂಖ್ಯಾತ ಅಭಿಮಾನಿಗಳಿರುತ್ತಾರೆ. ಇವರ ಎದುರು ಆಡುವುದು ನಿಜಕ್ಕೂ ಸವಾಲು’ ಎಂದು ಮಾರ್ಗನ್ ಹೇಳಿಕೊಂಡಿದ್ದಾರೆ.

ತಾಜಾ ಸುದ್ದಿಗಳನ್ನು ಓದಲು ವೆಬ್ ದುನಿಯಾ ಮೊಬೈಲ್ ಆಪ್ ಡೌನ್ ಲೋಡ್ ಮಾಡಿಕೊಳ್ಳಿ.