ಯಶಸ್ವಿ ಜೈಸ್ವಾಲ್ ಸಾಧನೆಗೆ ನಾನೇ ಕಾರಣ ಎಂದು ಕೊಚ್ಚಿಕೊಂಡ ಇಂಗ್ಲೆಂಡ್ ಬ್ಯಾಟಿಗ ಬೆನ್ ಡಕೆಟ್

Photo Courtesy: Twitter

ರಾಂಚಿ: ಭಾರತ ಮತ್ತು ಇಂಗ್ಲೆಂಡ್ ನಡುವಿನ ಎರಡು ಮತ್ತು ಮೂರನೇ ಟೆಸ್ಟ್ ಪಂದ್ಯದಲ್ಲಿ ಸ್ಪೋಟಕ ದ್ವಿಶತಕ ಸಿಡಿಸಿ ದಾಖಲೆ ಮಾಡಿದ್ದ ಟೀಂ ಇಂಡಿಯಾ ಯಂಗ್ ಸೆನ್ಸೇಷನ್ ಬ್ಯಾಟಿಗ ಯಶಸ್ವಿ ಜೈಸ್ವಾಲ್ ಸಾಧನೆಗೆ ನಾನೇ ಸ್ಪೂರ್ತಿ ಎಂದು ಇಂಗ್ಲೆಂಡ್ ಬ್ಯಾಟಿಗ ಬೆನ್ ಡಕೆಟ್ ಕೊಚ್ಚಿಕೊಂಡಿದ್ದಾರೆ.

ಬೆನ್ ಡಕೆಟ್ ಮೂರನೇ ಟೆಸ್ಟ್ ಪಂದ್ಯದ ಮೊದಲ ಇನಿಂಗ್ಸ್ ನಲ್ಲಿ ಬಿರುಸಿನ ಶತಕ ದಾಖಲಿಸಿದ್ದರು. ಥೇಟ್ ಟಿ20 ಶೈಲಿಯಲ್ಲಿ ಬ್ಯಾಟ್ ಬೀಡಿಸಿದ ಡಕೆಟ್ 153 ರನ್ ಗಳಿಸಿದ್ದರು. ಅವರ ಬೀಡು ಬೀಸಾದ ಇನಿಂಗ್ಸ್ ನಿಂದ ಇಂಗ್ಲೆಂಡ್ ಈ ಪಂದ್ಯದಲ್ಲಿ ಸಂಪೂರ್ಣ ನಿಯಂತ್ರಣ ಸಾಧಿಸುತ್ತದೆ ಎಂದೇ ಎಲ್ಲರ ಲೆಕ್ಕಾಚಾರವಾಗಿತ್ತು. ಆದರೆ ಅವರ ವಿಕೆಟ್ ಬಿದ್ದೊಡನೆ ಇಂಗ್ಲೆಂಡ್ ತಲಗೆರೆಯಂತೇ ಧರೆಗುರಳಿತ್ತು.

ಮೂರನೇ ಪಂದ್ಯದ ದ್ವಿತೀಯ ಇನಿಂಗ್ಸ್ ನಲ್ಲಿ ಯಶಸ್ವಿ ಜೈಸ್ವಾಲ್ ಕೂಡಾ ಬಿರುಸಾಗಿ ಆಡಿ ದ್ವಿತಶಕ ಗಳಿಸಿದ್ದರು. ಅವರ ದ್ವಿಶತಕದ ಬಗ್ಗೆ ಮಾತನಾಡುವಾಗ ಬೆನ್ ಡಕೆಟ್ ‘ಎದುರಾಳಿ ತಂಡದ ಆಟಗಾರರೊಬ್ಬರು ಬಿರುಸಾಗಿ ಆಡುವಾಗ ನಾವೂ ಆ ರೀತಿ ಆಡೋಣ ಎನಿಸುವುದು ಸಹಜ’ ಎಂದು ಜೈಸ್ವಾಲ್ ಗೆ ತಾನೇ ಸ್ಪೂರ್ತಿಯಾಗಿದ್ದೆ ಎಂದಿದ್ದರು.

ಆದರೆ ಅವರ ಈ ಹೇಳಿಕೆಗೆ ಇಂಗ್ಲೆಂಡ್ ಮಾಜಿ ಕ್ರಿಕೆಟಿಗರಾದ ಮೈಕಲ್ ವಾನ್, ನಾಸಿರು ಹುಸೇನ್ ತಿರುಗೇಟು ನೀಡಿದ್ದಾರೆ. ಜೈಸ್ವಾಲ್ ಕಠಿಣ ಪರಿಶ್ರಮ ಮತ್ತು ಐಪಿಎಲ್ ನಲ್ಲಿ ಆಡಿದ ಅನುಭವವದಿಂದಾಗಿ ಆ ಇನಿಂಗ್ಸ್ ಆಡಿದರು. ಹೊರತಾಗಿ ನಿಮ್ಮಿಂದ ಸ್ಪೂರ್ತಿ ಪಡೆದಿಲ್ಲ ಎಂದಿದ್ದಾರೆ.