ಟೀಂ ಇಂಡಿಯಾ ಕೋಚ್ ಗೆ ಹುಡುಕಾಟ ಶುರು

ಮುಂಬೈ: ಟಿ20 ವಿಶ್ವಕಪ್ ಬಳಿಕ ರವಿಶಾಸ್ತ್ರಿ ಟೀಂ ಇಂಡಿಯಾ ಕೋಚ್ ಹುದ್ದೆಯಿಂದ ಕೆಳಗಿಳಿಯುವುದು ಪಕ್ಕಾ ಆಗಿದೆ. ಈ ಹಿನ್ನಲೆಯಲ್ಲಿ ಬಿಸಿಸಿಐ ಹೊಸ ಕೋಚ್ ಗಾಗಿ ಹುಡುಕಾಟ ಆರಂಭಿಸಿದೆ.

ಆದರೆ ಬಿಸಿಸಿಐನಲ್ಲಿಯೇ ದೇಶೀಯ ಕೋಚ್ ಮತ್ತು ವಿದೇಶೀ ಕೋಚ್ ಹುಡುಕಾಟದ ಬಗ್ಗೆ ಅಭಿಪ್ರಾಯ ಬೇಧಗಳಿವೆ. ಅನಿಲ್ ಕುಂಬ್ಳೆ, ವಿವಿಎಸ್ ಲಕ್ಷ್ಮಣ್ ಹೆಸರು ಈ ಮೊದಲು ಕೇಳಿಬಂದಿತ್ತು. ಆದರೆ ಇಬ್ಬರೂ ಕೋಚ್ ಆಗುವುದರ ಬಗ್ಗೆ ಬಿಸಿಸಿಐನಲ್ಲೇ ಆಬಿಪ್ರಾಯ ಬೇಧಗಳಿವೆ.

ಹೀಗಾಗಿ ವಿದೇಶೀ ಕೋಚ್ ಬಗ್ಗೆ ಚಿಂತನೆ ನಡೆಸಲಾಗಿದೆ. ಭಾರತೀಯ ಕ್ರಿಕೆಟಿಗರ ಮನಸ್ಥಿತಿಗೆ ಹೊಂದಿಕೊಂಡು ಎಲ್ಲರನ್ನೂ ಸರಿದೂಗಿಸಿಕೊಂಡು ಹೋಗಬಲ್ಲ ಸಾಮರ್ಥ್ಯವುಳ್ಳ ಕೋಚ್ ಗಾಗಿ ಹುಡುಕಾಟ ನಡೆದಿದೆ.