ಅಭ್ಯಾಸ ಪಂದ್ಯದಲ್ಲೇ ಭರ್ಜರಿ ಬ್ಯಾಟಿಂಗ್ ಮಾಡಿದ ಎಬಿಡಿ ವಿಲಿಯರ್ಸ್

ದುಬೈ: ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡದ ಸ್ಟಾರ್ ಪ್ಲೇಯರ್ ಎಬಿಡಿ ವಿಲಿಯರ್ಸ್ ತಂಡದೊಳಗಿನ ಅಭ್ಯಾಸ ಪಂದ್ಯದಲ್ಲೇ ಭರ್ಜರಿ ಶತಕ ಸಿಡಿಸಿ ಎದುರಾಳಿಗಳಿಗೆ ಸಂದೇಶ ರವಾನಿಸಿದ್ದಾರೆ.

46 ಬಾಲ್ ಗಳಲ್ಲಿ 104 ಸಿಡಿಸಿದ ಎಬಿಡಿ ತಮ್ಮ ಫಾರ್ಮ್ ಪ್ರದರ್ಶಿಸಿದ್ದಾರೆ. ವಿಶೇಷವೆಂದರೆ ನಾಲ್ಕು ತಿಂಗಳಿನಿಂದ ಕ್ರಿಕೆಟ್ ನಿಂದ ದೂರವಿದ್ದ ಎಬಿಡಿ ಈಗ ಬ್ರೇಕ್ ನ ಬಳಿಕವೂ ಲಯ ಕಳೆದುಕೊಂಡಿಲ್ಲ.

ಎಬಿಡಿ ಸಿಡಿದರೆ ಆರ್ ಸಿಬಿಗೆ ಗೆಲುವು ಗ್ಯಾರಂಟಿ ಎಂಬ ವಿಶ್ವಾಸ ಫ್ಯಾನ್ಸ್ ನದ್ದು. ಈಗ ವಿರಾಟ್ ಕೊಹ್ಲಿ ಕೂಡಾ ಹೇಳಿಕೊಳ್ಳುವಂತಹ ಫಾರ್ಮ್ ನಲ್ಲಿಲ್ಲ. ಹೀಗಾಗಿ ಈ ಬಾರಿ ಕಪ್ ಗೆಲ್ಲಬೇಕಾದರೆ ಎಬಿಡಿ ಫಾರ್ಮ್ ಆರ್ ಸಿಬಿಗೆ ಮುಖ್ಯವಾಗುತ್ತದೆ.