ಕೊರೋನಾ ನಡುವೆಯೂ ಐಪಿಎಲ್ ಆಯೋಜಿಸಲು ಮುಂದೆ ಬಂದ ರಾಷ್ಟ್ರ ಯಾವುದು ಗೊತ್ತಾ?

ಮುಂಬೈ: ಕೊರೋನಾದಿಂದಾಗಿ ಭಾರತದಲ್ಲಿ ಐಪಿಎಲ್ ಕ್ರೀಡಾಕೂಟ ಅನಿರ್ದಿಷ್ಟವಾಗಿ ರದ್ದಾಗಿದೆ. ಈಗ ತಾನು ಐಪಿಎಲ್ ಆಯೋಜಿಸಲು ಸಿದ್ಧ ಎಂದು ಶ್ರೀಲಂಕಾ ಮುಂದೆ ಬಂದಿದೆ.

ಭಾರತದಲ್ಲಿ ಸುರಕ್ಷತೆ ದೃಷ್ಟಿಯಿಂದ ಸದ್ಯಕ್ಕೆ ಐಪಿಎಲ್ ಆಯೋಜಿಸಲು ಸಾಧ‍್ಯವಿಲ್ಲ. ಬಿಸಿಸಿಐಗೆ ನಷ್ಟದ ಚಿಂತೆಯಾದರೆ, ಕೆಲವು ಆಟಗಾರರಿಗೆ ಭವಿಷ್ಯದ ಚಿಂತೆಯಾಗಿದೆ.

ಈ ನಡುವೆ ಶ್ರೀಲಂಕಾ ತಾನು ಐಪಿಎಲ್ ಆಯೋಜಿಸಲು ಸಿದ್ಧ ಎಂದಿದೆ. ಭಾರತಕ್ಕಿಂತ ಮೊದಲು ಲಂಕಾದಲ್ಲಿ ಕೊರೋನಾ ಹಾವಳಿ ಕೊನೆಯಾಗಬಹುದು. ಹೀಗಾಗಿ ನಮ್ಮಲ್ಲಿ ಐಪಿಎಲ್ ಆಯೋಜಿಸಬಹುದು ಎಂದು ಲಂಕಾ ಮಂಡಳಿ ಹೇಳಿದೆ.