ನಟಿ ಸಬಾ ಮೇಲೆ ಟ್ರೋಲಿಗರು ಈ ಪರಿ ಕೋಪಗೊಂಡಿದ್ಯಾಕೆ?

ಮುಂಬೈ : ಈ ಹಿಂದೆ ಪಾಕ್ ನಟಿ ಮಹೀರಾ ಖಾನ್ ಪಬ್ಲಿಕ್ ನಲ್ಲೇ ಧೂಮಪಾನ ಮಾಡಿ ಟ್ರೋಲ್ ಗೆ ಒಳಗಾಗಿದ್ದರು. ಇದೀಗ ಮತ್ತೊಬ್ಬ ಪಾಕ್ ನಟಿ ಟ್ರೋಲಿಗರ ಆಕ್ರೋಶಕ್ಕೆ ಗುರಿಯಾಗಿದ್ದಾರೆ.

ಅವರು ಬೇರೆ ಯಾರು ಅಲ್ಲ. ಬಾಲಿವುಡ್​ನ 'ಹಿಂದಿ ಮೀಡಿಯಂ' ಚಿತ್ರದ ನಟಿ ಸಬಾ. ನಟಿ ಸಬಾ ಅವರ ನ್ಯೂ ಫೋಟೋ ಶೂಟ್​ನ ಒಂದು ಫೋಟೋ ಲೀಕ್ ಆಗಿದ್ದು, ಅದರಲ್ಲಿ ಅವರು ಗುಂಡಿಗಳು ಬಿಚ್ಚಿಕೊಂಡಿರುವಂತಹ ಬಿಳಿ ಬಣ್ಣದ ಶರ್ಟ್​ ಧರಿಸಿದ್ದು,  ಒಂದು ಕೈಯಲ್ಲಿ ಸಿಗರೇಟು ಸುಡುತ್ತಿದ್ದಾರೆ. ಹಿಂಬದಿಯಲ್ಲಿದ್ದ ಸಹಾಯಕಿ ಸಬಾ ಅವರ ಬ್ಲೆಜರ್​ ತೆಗೆಯುತ್ತಿದ್ದಾರೆ.

ಈ ರೀತಿ ಮಾದಕತೆಯಿಂದ ಕೂಡಿದ ನಟಿ ಸಬಾ ಅವರ ಈ ಲುಕ್​ ವೈರಲ್ ಆಗುತ್ತಿದ್ದಂತೆ ಸಾಮಾಜಿಕ ಜಾಲತಾಣದಲ್ಲಿ ಜನರು ಅವರ ವಿರುದ್ಧ ಆಕ್ರೋಶ ವ್ಯಕ್ತಪಡಿಸಿದ್ದಾರೆ. ಸಬಾ ಅವರನ್ನು ಇನ್ನೊಬ್ಬ ಪಾಕ್ ನಟಿ ಮಹೀರಾ ಖಾನ್​ಗೆ ಹೋಲಿಸಿದ್ದಾರೆ. ಸಬಾ ಕೂಡ ಮಹೀರಾ ಅವರ ಹಾದಿಯನ್ನು ತುಳಿಯುತ್ತಿದ್ದಾರೆ. ಇದು ನಮ್ಮ ಸಂಪ್ರದಾಯಕ್ಕೆ ವಿರುದ್ಧ ಎಂದು ಸಖತ್ ತರಾಟೆ ತೆಗೆದುಕೊಂಡಿದ್ದಾರೆ. ಇದಕ್ಕೆ ನಟಿ ಸಬಾ ಮಾತ್ರ ಯಾವುದೇ ಪ್ರತಿಕ್ರಿಯೆ ನೀಡಲಿಲ್ಲ.    

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ ಲೋಡ್ ಮಾಡಿಕೊಳ್ಳಿ