ಅಮಿತಾಬ್ ಬಚ್ಚನ್ ತಂದೆಯಂದಿರ ದಿನದಲ್ಲಿ ನಂಬಿಕೆಯಿಲ್ಲ ಎಂದಿದ್ದು ಯಾಕೆ ಗೊತ್ತಾ?

ಮುಂಬೈ : ಜೀವನದ ಅಡಿಪಾಯವಾದ ತಂದೆಯನ್ನು ನೆನೆದು ಜೂನ್ 17 ರಂದು ವಿಶ್ವತಂದೆಯಂದಿರ ದಿನವನ್ನು ಎಲ್ಲರೂ ಅದ್ದೂರಿಯಾಗಿ ಆಚರಿಸಿದ್ದರೆ, ಬಾಲಿವುಡ್ ನಟ ಅಮಿತಾಬ್ ಬಚ್ಚನ್ ಅವರಿಗೆ ಮಾತ್ರ  ತಂದೆಯಂದಿರ ದಿನದಲ್ಲಿ ನಂಬಿಕೆಯಿಲ್ಲವಂತೆ.

ನಟ ಅಮಿತಾಬ್ ಬಚ್ಚನ್ ಅವರು ಟ್ವಿಟರ್ ನಲ್ಲಿ ತಮ್ಮ ತಂದೆ-ತಾಯಿಯ  ಬ್ಲಾಕ್ ಆಂಡ್ ವೈಟ್ ಫೋಟೋವನ್ನು ಪೋಸ್ಟ್ ಮಾಡಿ ತಂದೆಯಂದಿರ ದಿನ ಎಂದರೇನು? ಪ್ರತಿದಿನವೂ ತಂದೆ ಮತ್ತು ತಾಯಿಗೆ ಸಮರ್ಪಿಸುವುದು ಎಂದಿರುವ ಬಚ್ಚನ್, ಕಬಿ ಖುಷ್ ಕಬಿ ಗಮ್ ಚಿತ್ರದ ಕೆ ದಿಯಾ ನಾ ತೊ ಕೆಹ್ ದಿಯಾ ಎಂದು ಬರೆದುಕೊಂಡಿದ್ದಾರೆ.

ಹಾಗೇ ಪ್ರತಿದಿನವೂ ತಂದೆಯಂದಿರ ದಿನವೇ. ಪ್ರತಿದಿನವೂ ಪೋಷಕರಿಗೆ ಗೌರವ ನೀಡಬೇಕು. ಪೋಷಕರು ಮಕ್ಕಳ ಜೀವನದ ಮಹತ್ವದ ಭಾಗ. ಮಕ್ಕಳಿಗಾಗಿ ಎಲ್ಲವನ್ನೂ ತ್ಯಾಗಮಾಡುವ ಅವರ ಬಗ್ಗೆ ಎಷ್ಟು ಕೊಂಡಾಡಿದರೂ ಸಾಲದು. ಮಕ್ಕಳ ನಗು ಮತ್ತು ಬೆಳವಣಿಗೆ ನೋಡಿ ಖುಷಿಪಡುವ ಪೋಷಕರನ್ನು ಪ್ರತಿದಿನವೂ ನೆನೆಯಬೇಕು ಎಂದು ಅಮಿತಾಬ್ ಬಚ್ಚನ್ ಅವರು ಹೇಳಿದ್ದಾರೆ.

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ ಲೋಡ್ ಮಾಡಿಕೊಳ್ಳಿ