ಮುಂಬೈ: ಕಳೆದ ಭಾನುವಾರ ಆತ್ಮಹತ್ಯೆ ಮಾಡಿಕೊಂಡು ಸಾವಿಗೀಡಾಗಿದ್ದ ಬಾಲಿವುಡ್ ನಟ ಸುಶಾಂತ್ ಸಿಂಗ್ ರಜಪೂತ್ ಸಾವಿಗೆ ಮೊದಲೇ ಸಿದ್ಧತೆ ಮಾಡಿದ್ದರು ಎನ್ನಲಾಗಿದೆ.
ತಾವು ಆತ್ಮಹತ್ಯೆ ಮಾಡುವ ಮೂರು ದಿನ ಮೊದಲೇ ಸುಶಾಂತ್ ತಮ್ಮ ಸಿಬ್ಬಂದಿಗಳಿಗೆಲ್ಲಾ ವೇತನ ನೀಡಿದ್ದರಂತೆ. ಇದರಿಂದ ತಮ್ಮ ಸಾವಿನ ಬಳಿಕವೂ ಯಾರಿಗೂ ತೊಂದರೆಯಾಗದಂತೆ ನೋಡಿಕೊಂಡಿದ್ದರು ಎನ್ನಲಾಗಿದೆ.
ಇದೀಗ ಸುಶಾಂತ್ ಸಾವಿನ ಬಗ್ಗೆ ತನಿಖೆ ಚುರುಕುಗೊಂಡಿದ್ದು, ಅವರ ಆಪ್ತ ವಲಯದವರನ್ನು, ಕುಟುಂಬದವರನ್ನು ಮತ್ತು ಮಾಜಿ ಗೆಳತಿಯನ್ನೂ ವಿಚಾರಣೆಗೊಳಪಡಿಸಲಾಗಿದೆ. ಆದರೆ ಮಾನಸಿಕ ಖಿನ್ನತೆಗೆ ನಿರ್ದಿಷ್ಟ ಕಾರಣವೇನು ಎಂಬುದು ತಿಳಿದುಬಂದಿಲ್ಲ.