ಮುಂಬೈ: ಕಾಫಿ ವಿತ್ ಕರಣ್ ಶೋ ಹಲವು ಬಾರಿ ವಿವಾದಕ್ಕೊಳಗಾಗಿದೆ. ಇದೀಗ ಸಮಂತಾ ಋತು ಪ್ರಭು ಜೊತೆಗಿನ ಎಪಿಸೋಡ್ ನಲ್ಲಿ ಕರಣ್ ಜೋಹರ್ ನಯನತಾರಾ ಬಗ್ಗೆ ನೀಡಿದ ಹೇಳಿಕೆಯೊಂದು ಕೆಲವು ಅಭಿಮಾನಿಗಳ ಕೆಂಗಣ್ಣಿಗೆ ಗುರಿಯಾಗಿದೆ.
ಸದ್ಯಕ್ಕೆ ದಕ್ಷಿಣ ಭಾರತ ಸಿನಿಮಾ ರಂಗದಲ್ಲಿ ನಿಮ್ಮ ಪ್ರಕಾರ ಯಾರು ಟಾಪ್ ನಟಿ ಎಂದು ಸಮಂತಾಗೆ ಕರಣ್ ಪ್ರಶ್ನಿಸುತ್ತಾರೆ. ಆಗ ಸಮಂತಾ ನಯನತಾರಾ ಹೆಸರು ಹೇಳುತ್ತಾರೆ.
ಆದರೆ ಇದಕ್ಕೆ ಪ್ರತಿಕ್ರಿಯಿಸುವ ಕರಣ್ ‘ನಯನತಾರಾ ನನ್ನ ಲಿಸ್ಟ್ ನಲ್ಲೇ ಇಲ್ಲ’ ಎನ್ನುತ್ತಾರೆ. ಅಷ್ಟೇ ಅಲ್ಲದೆ, ಇತ್ತೀಚೆಗಿನ ವರದಿಯೊಂದನ್ನು ಉಲ್ಲೇಖಿಸಿ ಸಮಂತಾ ನಂ.1 ನಟಿ ಎನ್ನುತ್ತಾರೆ. ಇದು ನಯನತಾರಾ ಅಭಿಮಾನಿಗಳ ಕೆಂಗಣ್ಣಿಗೆ ಗುರಿಯಾಗಿದೆ. ನಯನತಾರಾಗೆ ಕರಣ್ ಅವಮಾನ ಮಾಡಿದ್ದಾರೆ ಎಂದು ಕೆಲವರು ಆಕ್ರೋಶ ವ್ಯಕ್ತಪಡಿಸಿದರೆ, ಇನ್ನು ಕೆಲವರು ನಿಮಗೆ ನಯನತಾರಾ ಕಂಡರೆ ಯಾಕೆ ಹೊಟ್ಟೆ ಉರಿ ಎಂದು ಕಿಡಿ ಕಾರಿದ್ದಾರೆ.
