ಮುಂಬೈ: ನಿನ್ನೆಯಷ್ಟೇ ನಿಧನರಾದ ನಿರ್ಮಾಪಕ ರಾಜ್ ಕೌಶಾಲ್ ಅವರ ಅಂತ್ಯ ಸಂಸ್ಕಾರವನ್ನು ಅವರ ಪತ್ನಿ, ನಟಿ ಮಂದಿರಾ ಬೇಡಿಯೇ ಸಂಪ್ರದಾಯ ಮೀರಿ ನೆರವೇರಿಸಿದ್ದಾರೆ.
ಸಾಮಾನ್ಯವಾಗಿ ಹಿಂದೂ ಸಂಪ್ರದಾಯ ಪ್ರಕಾರ ಮೃತರ ಅಂತ್ಯ ಸಂಸ್ಕಾರವನ್ನು ಹೆಣ್ಣು ಮಕ್ಕಳು ಮಾಡುವಂತಿಲ್ಲ. ಆದರೆ ಮಂದಿರಾ ಬೇಡಿ ಸಂಪ್ರದಾಯ ಮೀರಿ ತಮ್ಮ ಪ್ರೀತಿಯ ಪತಿಯ ಅಂತ್ಯ ಸಂಸ್ಕಾರವನ್ನು ತಾವೇ ಮಾಡಿದ್ದಾರೆ.
ಹೃದಯಾಘಾತದಿಂದ ಸಾವನ್ನಪ್ಪಿದ್ದ ರಾಜ್ ಕೌಶಾಲ್ ಸಾವು ಅವರ ಕುಟುಂಬಸ್ಥರಿಗೆ ತೀವ್ರ ಆಘಾತ ತಂದಿದೆ. ಬಿಕ್ಕಿ ಬಿಕ್ಕಿ ಅಳುತ್ತಿದ್ದ ಮಂದಿರಾ ಬೇಡಿ ಸ್ವತಃ ತಾವೇ ಮಡಕೆ ಹೊತ್ತು ಸಾಗುವ ಮೂಲಕ ಅಂತ್ಯ ಸಂಸ್ಕಾರ ಮಾಡಿದ್ದಾರೆ.
