ಇತ್ತೀಚಿಗೆ ದೇಶದಲ್ಲೆಡೆ ಬಾರಿ ಚರ್ಚೆಗೆ ಗ್ರಾಸವಾಗಿದ್ದ ಡೇರಾ ಮುಖ್ಯಸ್ಥ ಗುರ್ಮಿತ್ ಸಿಂಗ್ ಮತ್ತು ಆತನ ದತ್ತು ಪುತ್ರಿ ಹನಿಪ್ರೀತ್ ಸಿಂಗ್‌ರನ್ನು ಪಂಚಕುಲ ಹಿಂಸಾಚಾರ ಪ್ರಕರಣದಲ್ಲಿ ಬಂಧಿಸಿರುವುದು ಎಲ್ಲರಿಗೂ ತಿಳಿದಿರುವ ಸಂಗತಿಯಾಗಿದೆ.
ಆದರೆ ಆ ಪ್ರಕರಣಕ್ಕೆ ಸಂಬಂಧಿಸಿದಂತೆ ಹನಿಪ್ರೀತ್ ಕುರಿತು ರಾಖಿ ಸಾವಂತ ಕೆಲವೊಂದು ಹೇಳಿಕೆಗಳನ್ನು ನೀಡಿದ್ದು, ಅದರಿಂದ ಕೋಪಗೊಂಡಿರುವ ಹನಿಪ್ರೀತ್ ತಾಯಿ ತಮ್ಮ ಮಗಳ ಕುರಿತು ಅವಮಾನಕಾರಿಯಾಗಿ ಹೇಳಿಕೆಗಳನ್ನು ನೀಡಿರುವುದಕ್ಕೆ ರಾಖಿ ಸಾವಂತ್ ಅವರನ್ನು ಆರೋಪಿಸಿದ್ದಲ್ಲದೇ 5 ಕೋಟಿ ರೂಪಾಯಿಗಳ ಮಾನವಷ್ಟ ಮೊಕದ್ದಮೆಯನ್ನು ಹೂಡುವುದಾಗಿ ಕೋರ್ಟ್ ನೋಟೀಸ್ ಅನ್ನು ನೀಡಿದ್ದಾರಂತೆ.
ಗುರುಮೀತ್ ಸಿಂಗ್ ಜೀವನಾಧಾರಿತ ಬಾಲಿವುಡ್ ಚಿತ್ರವೊಂದರಲ್ಲಿ ಹನಿಪ್ರೀತ್ ಪಾತ್ರದಲ್ಲಿ ರಾಖಿ ಸಾವಂತ್ ಅಭಿನಯಿಸುತ್ತಿದ್ದು, ಗುರುಮೀತ್ ಮತ್ತು ಹನಿಪ್ರೀತ್ ಬಂಧನಕ್ಕೊಳಗಾದ ಸಮಯದಲ್ಲಿ ನನಗೆ ಗುರುಮೀತ್ ಬಗ್ಗೆ ಚೆನ್ನಾಗಿ ತಿಳಿದಿತ್ತು ಮತ್ತು ಅಲ್ಲದೇ ಮೊದಲು ನಾನು ಅವರನ್ನು ಭೇಟಿಯಾಗಲು ಹೋದಂತ ಸಂದರ್ಭದಲ್ಲಿ ಅವರಿಗೆ ನಾನು ಆತ್ಮೀಯಳಾಗಬಹುದು ಎನ್ನುವ ಕಾರಣಕ್ಕೆ ಹನಿಪ್ರೀತ್ ನನಗೆ ಅವರನ್ನು ಭೇಟಿಮಾಡಲು ಅವಕಾಶ ಕೊಡುತ್ತಿರಲಿಲ್ಲ ಎಂದು ವೀಡಿಯೊ ಒಂದರಲ್ಲಿ ರಾಖಿ ಹೇಳಿಕೊಂಡಿದ್ದರು.
ಇದರಿಂದ ಸಿಟ್ಟಿಗೆದ್ದಿರುವ ಹನಿಪ್ರೀತ್ ತಾಯಿ ರಾಖಿ ಸಾವಂತ್ ತಮ್ಮ ಮಗಳ ಕುರಿತು ಇಲ್ಲ ಸಲ್ಲದ ಆರೋಪಗಳನ್ನು ಮಾಡುತ್ತಿದ್ದಾರೆ ಎಂದು ಆರೋಪಿಸಿದ್ದಲ್ಲದೇ, ಇದೇ ಕಾರಣಕ್ಕೆ ರಾಖಿಗೆ ಕೋರ್ಟ್ ನೋಟೀಸ್ ನೀಡಿದ್ದು ಅದರಲ್ಲಿ ಒಂದು ತಿಂಗಳಲ್ಲಿ ಒಳಗಾಗಿ ಕ್ಷಮೆಯಾಚಿಸಬೇಕು ಇಲ್ಲವೇ 5 ಕೋಟಿ ರೂಪಾಯಿಗಳ ದಂಡ ಸಲ್ಲಿಸಬೇಕೆಂದು ತಿಳಿಸಲಾಗಿದೆ ಎಂದು ಮಾಧ್ಯಮದವರ ಎದುರು ಹನಿಪ್ರೀತ್ ತಾಯಿ ಹೇಳಿಕೊಂಡಿದ್ದಾರೆ ಎನ್ನಲಾಗಿದೆ.
ಒಟ್ಟಿನಲ್ಲಿ ಒಂದಲ್ಲಾ ಒಂದು ಗಾಸಿಪ್‌ಗಳಿಂದಲೇ ಚರ್ಚೆಯಲ್ಲಿರುವ ರಾಖಿ ಸಾವಂತಗೆ ಇದು ಸ್ವಲ್ಪಮಟ್ಟಿಗೆ ಶಾಕ್ ನೀಡಿರಿರುವುದಂತು ಸುಳ್ಳಲ್ಲ.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ
ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ.
