Publish Date: Fri, 06 Oct 2017 (10:02 IST)
Updated Date: Fri, 06 Oct 2017 (10:05 IST)
ಮುಂಬೈ: ಬಾಲಿವುಡ್ ಬಾದ್ ಶಹಾ ಶಾರುಖ್ ಖಾನ್ ತಮ್ಮ ರೆಡ್ ಚಿಲ್ಲೀಸ್ ಎಂಟರ್ ಟೈನ್ ಮೆಂಟ್ ನಿರ್ಮಾಣ ಸಂಸ್ಥೆಯ ಕಚೇರಿ ಮೇಲೆ ಅಕ್ರಮವಾಗಿ ನಿರ್ಮಿಸಿದ್ದ ಕ್ಯಾಂಟೀನ್ ನ್ನು ಮುಂಬೈ ಮಹಾನಗರ ಪಾಲಿಕೆ ಅಧಿಕಾರಿಗಳು ತೆರವುಗೊಳಿಸಿದ್ದಾರೆ.
ಸುಂದೆರ್ ನಗರ್ ನಲ್ಲಿರುವ ಡಿಎಲ್ಎಚ್ ಪಾರ್ಕ್ ಬಿಲ್ಡಿಂಗ್ ನ 16 ನೇ ಮಹಡಿಯಲ್ಲಿ ಶಾರುಖ್ ಕಚೇರಿಯಿದೆ. ಇಲ್ಲಿ ಒಟ್ಟು 300 ಕ್ಕೂ ಹೆಚ್ಚು ಮಂದಿ ಕೆಲಸ ಮಾಡುತ್ತಾರೆ. ತನ್ನ ಸಂಸ್ಥೆಯ ನೌಕರರಿಗಾಗಿ ಶಾರುಖ್ ಈ ಕಟ್ಟಡ ಮೇಲ್ಛಾವಣಿಯಲ್ಲಿ ಕ್ಯಾಂಟೀನ್ ತೆರೆದಿದ್ದರು.
ತೆರೆದ ಟೆರೇಸ್ ನ್ನು ಈ ರೀತಿ ಮುಚ್ಚುವುದು ಅಕ್ರಮವಾಗಿದೆ. ಆದರೆ ಶಾರುಖ್ ಟೆರೇಸ್ ನಲ್ಲಿ ಮಾಡು ನಿರ್ಮಿಸಿ ಕ್ಯಾಂಟೀನ್ ನಿರ್ಮಿಸಿದ್ದರು. ಇದನ್ನು ಬಿಎಂಸಿ ತೆರವುಗೊಳಿಸಿದೆ. ತೆರವು ಕಾರ್ಯಾಚರಣೆಗೆ ಶಾರುಖ್ ಕೋರ್ಟ್ ಗೆ ಅರ್ಜಿ ಸಲ್ಲಿಸಿ ಸ್ಟೇ ತರಲು ಯತ್ನಿಸಿದರೂ ಪ್ರಯೋಜನವಾಗಿರಲಿಲ್ಲ.
ತಾಜಾ ಸುದ್ದಿಗಳನ್ನು ಓದಲು ವೆಬ್ದುನಿಯಾ
ಮೊಬೈಲ್ ಆ್ಯಪ್ ಡೌನ್ ಲೋಡ್ ಮಾಡಿಕೊಳ್ಳಿ