ಅಭಿವೃದ್ಧಿಯಾಗಬೇಕಾದರೆ ಮನೆಯ ಈ ಜಾಗದಲ್ಲಿ ಹಣವಿಡಬೇಕು

ಬೆಂಗಳೂರು: ವಾಸ್ತು ಶಾಸ್ತ್ರದ ಪ್ರಕಾರ ಪ್ರತಿಯೊಂದು ವಸ್ತುವನ್ನೂ ಆಯಾ ಜಾಗದಲ್ಲಿಟ್ಟರೆ ಮಾತ್ರ ನಮಗೆ ಅದರ ಲಾಭ ಸಿಗುತ್ತದೆ ಮತ್ತು ಅದರಿಂದ ಒಳಿತಾಗುತ್ತದೆ. ಅದು ಹಣಕಾಸಿನ ವಿಚಾರದಲ್ಲೂ ಕೂಡಾ.

ಎಷ್ಟೋ ಜನ ಮನೆಯಲ್ಲಿ ಐಶ್ವರ್ಯಾಭಿವೃದ್ಧಿಯಾಗಬೇಕು ಎಂದು ಏನೆಲ್ಲಾ ಪೂಜೆ-ಪುನಸ್ಕಾರ ಮಾಡುತ್ತಾರೆ. ಲಕ್ಷ್ಮೀ ದೇವಿಯ ಕೃಪಾಕಟಾಕ್ಷ ಸಿಗುವುದು ಅಷ್ಟು ಸುಲಭವಲ್ಲ. ಇದಕ್ಕೆ ನಮ್ಮ ವಾಸ್ತು ಶಾಸ್ತ್ರದಲ್ಲಿರುವ ಕೆಲವೊಂದು ನಿಯಮಗಳನ್ನೂ ಪಾಲಿಸಬೇಕಾಗುತ್ತದೆ.

ನಮ್ಮ ಮನೆಯಲ್ಲಿ ಹಣಕಾಸಿನ ಅಭಿವೃದ್ಧಿಯಾಗಬೇಕಾದರೆ ಹಣವನ್ನು ಯಾವ ದಿಕ್ಕಿನಲ್ಲಿ ಇಡುತ್ತೇವೆ ಎಂಬುದೂ ಮುಖ್ಯವಾಗುತ್ತದೆ. ವಾಸ್ತು ಪ್ರಕಾರ ಕೆಲವೊಂದು ಸ್ಥಳದಲ್ಲಿ ನಗ-ನಗದನ್ನು ಇಡುವುದರಿಂದ ಅಭಿವೃದ್ಧಿ ಕಾಣುತ್ತೀರಿ.

ಮನೆಯ ನೈಋತ್ಯ ದಿಕ್ಕು ಹಣ, ಚಿನ್ನಾಭರಣಗಳನ್ನು ಇಡಲು ಸೂಕ್ತವಾದ ಜಾಗ. ಇದು ಅದೃಷ್ಟದ ಮೂಲೆ ಎನ್ನಲಾಗುತ್ತದೆ. ಹೀಗಾಗಿ ಹಣಕಾಸು, ಮನೆಯ ಡಾಕ್ಯುಮೆಂಟ್, ಚಿನ್ನಾಭರಣಗಳನ್ನಿಡುವ ಬೀರನ್ನು ಮನೆಯ ನೈಋತ್ಯ ದಿಕ್ಕಿಗೇ ಇಡಿ. ಇದರಿಂದ ನಿಮಗೆ ಒಳಿತಾಗುತ್ತದೆ.