ಪ್ರೇಮಿಗಳಿಲ್ಲದ ಒಂಟಿ ಪಿಶಾಚಿ ನಾನು.. ಹೇಗೆ ಕಳೆಯಲಿ ಪ್ರೇಮಿಗಳ ದಿನವಾ..?!

ಬೆಂಗಳೂರು: ಕೆಂಬಣ್ಣದ ಗುಲಾಬಿ ಹಿಡಿದು ಎಷ್ಟು ಸುತ್ತಾಡಿದರೂ ಕೈಗೆ ಕೈ ಜೋಡಿಸಲು ಒಂದೂ ಬೆರಳುಗಳು ಸಿಗುತ್ತಿಲ್ಲ. ಹೇಗೆ ಕಳೆಯಲಿ ಮಧುರ ದಿನವ ಏಕಾಂಗಿಯಾಗಿ..? ಒಂಟಿಯಾಗಿಯೂ ವ್ಯಾಲೆಂಟೆನ್ಸ್ ದಿನ ಕಳೆಯೋದು ಹೇಗೆ? ಇಲ್ಲಿದೆ ಐಡಿಯಾ..

ಸಿಂಗಲ್ ಎಂಬ ಬೇಸರ ಬೇಡ!
ಪೊಸಿಟಿವ್ ಥಿಂಕಿಂಗ್ ಒಳ್ಳೆಯದೇ. ಸಿಂಗಲ್ ಆಗಿದ್ದರೂ ಒಂದು ಲೆಕ್ಕದಲ್ಲಿ ಒಳ್ಳೆಯದೇ. ಪ್ರೇಮಿಗಾಗಿ ಅವರಿಗೆ ಇಷ್ಟವಾಗುವ ಡ್ರೆಸ್, ಅವರಿಗೆ ಇಷ್ಟವಾಗುವ ರೀತಿಯೇ ಇರಬೇಕೆಂಬ ನಿಯಮವಿಲ್ಲ! ನಿಮಗಿಷ್ಟ ಬಂದ ರೀತಿ ಸೆಲೆಬ್ರೇಟ್ ಮಾಡಿಕೊಳ್ಳುವ ಆಯ್ಕೆ ನಿಮಗಿರುತ್ತದೆ.

ಡೇಟಿಂಗ್ ಆಪ್ ಬಳಸಿ
ವ್ಯಾಲೆಂಟೈನ್ ಇಲ್ಲ ಎಂಬ ಬೇಸರವಿದ್ದರೆ ಡೇಟಿಂಗ್ ಆಪ್ ಗಳ ಮೊರೆ ಹೋಗಿ. ಅಲ್ಲಿ ನಿಮಗೆ ಕಂಪನಿ ಕೊಡಲು ನಿಮ್ಮ ಹಾಗೇ ಸಿಂಗಲ್ ಆಗಿರುವ ಎಷ್ಟೋ ಜನ ಸಿಗ್ತಾರೆ. ಸಮಾನ ದುಃಖಿಗಳ ಜತೆ ಫನ್ ಮಾಡಿ!

ಹಣ ಉಳಿತಾಯ
ಜತೆಗಾರರಿದ್ದರೆ ತಾನೇ ಗಿಫ್ಟ್ ಕೊಡುವ ಜರೂರತ್ತು. ಪ್ರೇಮಿಯೇ ಇಲ್ಲದಿದ್ದ ಮೇಲೆ ಗಿಫ್ಟ್ ಖರೀದಿಸುವ ಹಣ ಉಳಿತಾಯ. ಆ ದುಡ್ಡಲ್ಲಿ ಒಳ್ಳೆ ರೆಸ್ಟೋರೆಂಟ್ ಗೆ ಹೋಗಿ ಚೆನ್ನಾಗಿ ತಿಂದು ಬನ್ನಿ.

ಸಿಂಗಲ್ಸ್ ಪಾರ್ಟಿ ಕೊಡಿ
ನಿಮ್ಮ ಹಾಗೆ ಪ್ರೀತಿಗೆ ಬೀಳದೇ ಇರುವ ಸ್ನೇಹಿತರನ್ನು ಪತ್ತೆ ಮಾಡಿ ಅವರಿಗೆಲ್ಲಾ ಪಾರ್ಟಿ ಕೊಡಿ. ಸಿಂಗಲ್ಸ್ ಪಾರ್ಟಿ ಕೊಟ್ಟು ಮಜಾ ಮಾಡಿ.

ಸಿನಿಮಾ
ಸ್ನೇಹಿತರ ಜತೆಗೆ ಅಥವಾ ಅವರೂ ಸಿಗದಿದ್ದರೆ ಏಕಾಂಗಿಯಾಗಿ ಕುಳಿತು ನಿಮಗಿಷ್ಟ ಬಂದ ಸಿನಿಮಾಗಳನ್ನೆಲ್ಲಾ ಒಂದಾದ ಮೇಲೆ ಒಂದರಂತೆ ನೋಡ್ತಾ ಇರಿ.

ಹವ್ಯಾಸಗಳು
ನಿಮ್ಮ ಇಷ್ಟದ ಹವ್ಯಾಸ ಅಂತ ಇದ್ದೇ ಇರುತ್ತಲ್ಲಾ? ಪುಸ್ತಕ ಓದೋದು, ಏನಾದರೂ ಬರೆಯುವುದು, ಜಿಮ್ ಮಾಡೋದು, ಆಡೋದು ಹೀಗೇ ಏನಾದ್ರೂ ಮಾಡ್ತಾ ಇರಿ.

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ ಲೋಡ್ ಮಾಡಿಕೊಳ್ಳಿ