ಬೆಂಗಳೂರು: ಬಿಗ್ ಬಾಸ್ ಮನೆಯಲ್ಲಿ ಕಿಚ್ಚನ ಕಿಚನ್ ನಿನ್ನೆ ಸೂಪರ್ ಆಗಿತ್ತು. ವೆಜ್ ನಾನ್ ವೆಜ್ ರೆಸಿಪಿ ಕಾಂಬಿನೇಷನ್ ಸಖತ್ತಾಗಿತ್ತು.
ಕಿಚ್ಚನ ಕಿಚನ್ ಗೆ ಹುಬ್ಬಳ್ಳಿದ ಬೆಡಗಿ, ನಟಿ ಮಯೂರಿ ಹಾಗೂ ನಟ ಚಂದನ್ ಬಂದಿದ್ರು. ಇದೇವೇಳೆ ಮಯೂರಿಗೆ ಸುದೀಪ್ 'ಬೇಕ್‌ ಪೊಟಾಟೊ’ ಮಾಡೋದು ಹೇಳಿ ಕೊಟ್ರು. ಇಷ್ಟಕ್ಕೇ ಸುಮ್ಮನಾಗದ ಮಯೂರಿ ಉತ್ತರ ಕರ್ನಾಟಕ ಸ್ಪೆಷಲ್, ಗಿರ್‌ಮಿಟ್‌ ಮಾಡಿಕೊಟ್ರು. ಇದಕ್ಕಾಗಿ ಹುಬ್ಬಳ್ಳಿಯಿಂದಲೇ ಅಲ್ಲಿಯ ಸೌತೆಕಾಯಿ ಸೇರಿ ಕೆಲ ಪದಾರ್ಥಗಳನ್ನು ತೆಗೆದುಕೊಂಡು ಬಂದಿದ್ರು ಮಯೂರಿ.
ಇನ್ನು ಸುದೀಪ್ ಗೂ ಗಿರ್‌ಮಿಟ್‌ ಅಂದ್ರೆ ಬಹಳ ಪ್ರಿಯವಂತೆ. ಉತ್ತರ ಕರ್ನಾಟಕ ಕಡೆ ಹೋದಾಗ ಗಿರ್ ಮಿಟ್ ಮಿಸ್ ಮಾಡೋದೇ ಇಲ್ವಂತೆ. ಗಿರ್‌ಮಿಟ್‌ ರುಚಿ ಜತೆಗೆ ಅಲ್ಲಿಯ ಜನರ ಪ್ರೀತಿಯನ್ನು ಕೂಡ ಕೊಂಡಾಡಿದ್ದಾರೆ.
ಇದೇವೇಳೆ ನಟ ಚಂದನ್ ನಾನ್ ವೆಜ್ ಪ್ರಿಯರು. ಹೀಗಾಗಿ ಚಂದನ್ ಗೆ ಫಾರ್ಮೆಷನ್ ಚಿಕನ್‌ ಹೇಳಿಕೊಟ್ಟಿದ್ದಾರೆ. ನಂತರ ಎಲ್ಲಾ ಪದಾರ್ಥಗಳನ್ನು ಸವಿದು, ಬಿಗ್‌ಬಾಸ್‌ ವೇದಿಕೆಗೆ ತೆರಳಿದ ಸುದೀಪ್, ಮನೆಯಿಂದ ಹೊರಬಂದ ದಯಾಳ್ ರನ್ನು ಮಾತನಾಡಿಸಿದ್ರು. ಬಿಗ್ ಬಾಸ್ ವೇದಿಕೆಯಲ್ಲಿ ದಯವಿಟ್ಟ ಗಮನಿಸಿ ಚಿತ್ರದ ಪ್ರಮೋಷನ್‌ ಮಾಡಿದ್ರು.