ಬೆಂಗಳೂರು: ಕಳೆದ ಬಾರಿ ಲಾಕ್ ಡೌನ್ ನಲ್ಲಿ ಸಾಕಷ್ಟು ಧಾರವಾಹಿಗಳು ಆರ್ಥಿಕ ಕುಸಿತದಿಂದ ಅರ್ಧಕ್ಕೇ ಸ್ಥಗಿತಗೊಂಡಿದ್ದವು. ಈ ಬಾರಿ ಮತ್ತೆ ಅದು ಸಣ್ಣ ಮಟ್ಟಿನಲ್ಲಿ ಪುನಾರವರ್ತನೆಯಾಗಲಿದೆ.
ಈಗಾಗಲೇ ಸ್ಟಾರ್ ಸುವರ್ಣದಲ್ಲಿ ಪ್ರಸಾರವಾಗುತ್ತಿದ್ದ ಜನಪ್ರಿಯ ನಿರ್ಮಾಪಕ, ನಿರ್ದೇಶಕ ರಾಮ್ ಜಿ ಅವರ ‘ರುಕ್ಕು’ ಧಾರವಾಹಿ ಅರ್ಧಕ್ಕೇ ಪ್ರಸಾರ ಕೊನೆಗೊಳಿಸುತ್ತಿದೆ. ಈ ವಾರ ಕೊನೆಯ ಸಂಚಿಕೆ ಪ್ರಸಾರವಾಗುತ್ತಿದೆ. ಈ ಮೂಲಕ ಈ ಬಾರಿಯ ಲಾಕ್ ಡೌನ್ ಹೊಡೆತದಿಂದಾಗಿ ಅರ್ಧಕ್ಕೇ ಪ್ರಸಾರ ನಿಲ್ಲಿಸುತ್ತಿರುವ ಮೊದಲ ಧಾರವಾಹಿ ಇದಾಗಿದೆ.
ಲಾಕ್ ಡೌನ್ ಜೊತೆಗೆ ಟಿಆರ್ ಪಿ ಇಲ್ಲದೇ ಆರ್ಥಿಕ ಸಂಕಷ್ಟಕ್ಕೆ ಸಿಲುಕಿದ ಧಾರವಾಹಿಗಳು ಸದ್ದಿಲ್ಲದೇ ತೆರೆ ಮರೆಗೆ ಸರಿಯುತ್ತವೆ. ಆದರೆ ಈ ಬಾರಿ ಲಾಕ್ ಡೌನ್ ಬಗ್ಗೆ ಮೊದಲೇ ಸೂಚನೆ ಇದ್ದಿದ್ದರಿಂದ ಹಲವಾರು ಧಾರವಾಹಿಗಳು ಸಾಕಷ್ಟು ಬ್ಯಾಂಕಿಂಗ್ ಎಪಿಸೋಡ್ ಮಾಡಿಕೊಂಡಿದ್ದವು. ಹಾಗಿದ್ದರೂ ಈಗಾಗಲೇ ಕಡಿಮೆ ಟಿಆರ್ ಪಿ ಇದ್ದಿದ್ದ ಧಾರವಾಹಿಗಳ ಕತೆ ಏನಾಗಲಿದೆ ಎಂಬುದು ಮುಂದಿನ ದಿನಗಳಲ್ಲಿ ತಿಳಿಯಲಿದೆ.
ಸೂಕ್ತ ಸಂಗಾತಿ ಬೇಕಾ? ಕನ್ನಡ ಮ್ಯಾಟ್ರಿಮೊನಿಯಲ್ಲಿ - ನೋಂದಣಿ ಉಚಿತ!
