ಬೆಂಗಳೂರು: ಬಿಗ್ ಬಾಸ್ ಮನೆಯಲ್ಲಿ ಕಳೆದ ಬಾರಿಯಂತೆ ಈ ಬಾರಿಯೂ ಲವ್ ಸ್ಟೋರಿ ಶುರುವಾಗುವ ಲಕ್ಷಣಗಳು ಗೋಚರಿಸುತ್ತಿವೆ. ಜೆಕೆ ಹಾಗೂ ಶೃತಿ ಪ್ರಕಾಶ್, ಜಗನ್‌ ಹಾಗೂ ಆಶಿತಾ ನಡುವೆ ಕುಚ್ ಕುಚ್ ನಡೀತಿದೆ ಎಂಬ ಮಾತುಗಳು ಕೇಳಿ ಬರ್ತಿವೆ.
ಕಳೆದ ವಾರ ಮದುವೆಯಾಗಬೇಕು ಎಂದು ಬಯಸಿದ್ದ ಚಂದನ್ ಗೂ ಜೋಡಿ ಸಿಕ್ಕಿರುವ ಹಾಗಿದೆ. ಆದರೆ ಇವರು ನಿಜವಾಗಲು ಯಾರನ್ನ ಲವ್ ಮಾಡ್ತಿದ್ದಾರೆ ಎನ್ನೋದೆ ಅರ್ಥವಾಗುತ್ತಿಲ್ಲ. ಕಳೆದ ಬಾರಿ ಚಂದನ್ ಜತೆ ಬೇರೆ ಹೆಸರೇ ಕೇಳಿ ಬಂದಿತ್ತು. ಇಷ್ಟಲ್ಲದೆ ಒಬ್ಬರ ಬಳಿ ಒಂದೊಂದು ರೀತಿ ಹೇಳಿಕೊಳ್ತಿದ್ದಾರೆ. ಸದ್ಯ ಬಿಗ್ ಬಾಸ್ ಮನೆಯ ಲವರ್ ಬಾಯ್ ಆಗಿದ್ದಾರೆ.
ರ್ಯಾಪರ್ ಚಂದನ್ ಸಾಕಷ್ಟು ಒಳ್ಳೆ ಸಾಂಗ್ ಗಳನ್ನ ನೀಡಿದ್ದಾರೆ. ಬಿಗ್ ಬಾಸ್ ಮನೆಯಲ್ಲೂ ಇದು ಮುಂದಿವರೆದಿದೆ. ಟಾಸ್ಕ್ ನಲ್ಲೂ ಉತ್ತಮ ಪ್ರದರ್ಶನ ನೀಡ್ತಿರುವ ಚಂದನ್, ಟಾಸ್ಕ್ ಮುಗಿದು ಸ್ವಲ್ಪ ಫ್ರೀ ಸಿಕ್ಕಿದ್ರೂ ಸಾಕು, ಅಲ್ಲೊಂದು ರ್ಯಾಪ್ ಶೋ ಶುರು ಮಾಡಿ ಬಿಡ್ತಾರೆ.
ಹೀಗೆ ಒಂದು ಸಾಂಗ್ ಮಾಡಿ, ಅದರಲ್ಲಿ ಬಾರ್ಬಿ ಡಾಲ್ ನಿವೇದಿತಾ ಗೌಡರನ್ನ ಹೊಗಳಿದ್ದಾರೆ. ಇದಕ್ಕೆ ಆಕೆ ಕೂಡ ನಾಚಿ ನೀರಾಗಿದ್ದಾರೆ. ಹೀಗಾಗಿ ಈ ಚಂದನ್ ಶೆಟ್ಟಿ ಲವ್ ಸ್ಟೋರಿ ಎತ್ತ ಸಾಗಿ ದಡ ಮುಟ್ಟುತ್ತೊ ಕಾದು ನೋಡಬೇಕು.