ಸ್ಪರ್ಧಿಗಳ ಮೇಲೆ ಬಿಗ್ ಬಾಸ್ ಗರಂ! ಇನ್ಮುಂದೆ ಪ್ಲೇ ಆಗಲ್ಲ ಹಾಡು

ಬೆಂಗಳೂರು: ಬಿಗ್ ಬಾಸ್ ಕನ್ನಡ ರಿಯಾಲಿಟಿ ಶೋನಲ್ಲಿ ಸ್ಪರ್ಧಿಗಳ ಮೇಲೆ ಬಿಗ್ ಬಾಸ್ ಗರಂ ಆಗಿದ್ದಾರೆ. ಹೀಗಾಗಿ ನಿನ್ನೆಯ ಎಪಿಸೋಡ್ ನಲ್ಲಿ ಗುಡ್ ಮಾರ್ನಿಂಗ್ ಹಾಡು ಪ್ಲೇ ಆಗಲೇ ಇಲ್ಲ.

ಬೆಳ್ಳಂ ಬೆಳಿಗ್ಗೆ ಕೇವಲ ಅಲರಾಂ ಸೌಂಡ್ ಮಾತ್ರ ಬಂತು. ಪ್ರತಿದಿನದಂತೆ ಹಾಡಿನ ಮೂಲಕ ಸುಪ್ರಭಾತ ಹೇಳದೇ ಇರುವುದು ಸ್ಪರ್ಧಿಗಳ ಅಚ್ಚರಿಗೆ ಕಾರಣವಾಯ್ತು. ಇದಕ್ಕೆ ಕಾರಣ ಟಾಸ್ಕ್ ನಲ್ಲಿ ತಾವು ಮಾಡಿದ ತಪ್ಪು ಎಂದು ಸ್ಪರ್ಧಿಗಳು ಮಾತಾಡಿಕೊಂಡಿದ್ದಾರೆ.

ಕೊರೋನಾ ಟಾಸ್ಕ್ ನಲ್ಲಿ ಸ್ಪರ್ಧಿಗಳು ನಿಯಮಗಳಿಗೆ ಬೆಲೆ ಕೊಡದೇ ಆಟವನ್ನು ಹಗುರವಾಗಿ ಪರಿಗಣಿಸಿದ್ದಕ್ಕೆ ಬಿಗ್ ಬಾಸ್ ಗರಂ ಆಗಿದ್ದರು. ಟಾಸ್ಕ್ ನ್ನು ಅರ್ಧದಲ್ಲಿಯೇ ರದ್ದುಗೊಳಿಸಿದ್ದರು. ಇದರ ಬೆನ್ನಲ್ಲೇ ಈ ರೀತಿ ಆಗಿದ್ದರಿಂದ ಇದು ತಮಗೆ ಕೊಟ್ಟ ಪನಿಶ್ ಮೆಂಟ್ ಎಂದು ಸ್ಪರ್ಧಿಗಳು ಅರಿತುಕೊಂಡಿದ್ದಾರೆ.

ಇನ್ನು ಟಾಸ್ಕ್ ವೇಳೆ ಕೊನೆಯ ಕ್ಷಣದಲ್ಲಿ ಕೈ ಬಿಟ್ಟ ನಿಧಿ ಸುಬ್ಬಯ್ಯ, ದಿವ್ಯಾ ಸುರೇಶ್ ಮೇಲೆ ವೈರಸ್ ತಂಡದೊಳಗೇ ಅಸಮಾಧಾನ ಉಂಟು ಮಾಡಿದೆ. ಇದರ ಜೊತೆಗೆ ಬಿಗ್ ಬಾಸ್ ಕೂಡಾ ಗರಂ ಆಗಿದ್ದರಿಂದ ಸ್ಪರ್ಧಿಗಳಲ್ಲಿ ಚರ್ಚೆ ನಡೆದಿದೆ.