ಬಿಬಿಕೆ9: ಪ್ಯಾಚ್ ಅಪ್ ಮಾಡಿಕೊಂಡ ನೇಹಾ-ಮಯೂರಿ

ಬೆಂಗಳೂರು: ಬಿಗ್ ಬಾಸ್ ಮನೆಯಲ್ಲಿ ಊಟದ ವಿಚಾರಕ್ಕೆ ಮಯೂರಿಗೆ ನೋವಾಗುವಂತೆ ಮಾತನಾಡಿದ್ದ ನೇಹಾ ಬಳಿಕ ಪ್ಯಾಚ್ ಅಪ್ ಮಾಡಿಕೊಂಡು ಕೈ ಜೋಡಿಸಿದ್ದಾರೆ.

ಮೊದಲೇ ಬಂದು ಊಟ ಮಾಡಿ ಹೋಗ್ತಾರೆ ಎಂದು ಮಯೂರಿ ಬಗ್ಗೆ ನೇಹಾ ಹೇಳಿದ್ದು ಮಯೂರಿಯ ದುಃಖಕ್ಕೆ ಕಾರಣವಾಗಿತ್ತು. ಮಯೂರಿ ಈ ವಿಚಾರಕ್ಕೆ ಕಣ್ಣೀರು ಹಾಕಿದ್ದರು.

ಆದರೆ ಈ ವಿಚಾರ ಮಯೂರಿಗೆ ನೋವು ಕೊಟ್ಟಿದೆ ಎಂದು ಅರಿವಾದ ತಕ್ಷಣ ಪ್ರಶಾಂತ್ ಸಂಬರ್ಗಿ ಸಲಹೆ ಮೇರೆಗೆ ನೇಹಾ ನೇರವಾಗಿ ಮಯೂರಿ ಬಳಿ ಬಂದು ತಮ್ಮ ಮಾತಿನ ಬಗ್ಗೆ ಸ್ಪಷ್ಟನೆ ನೀಡಿದ್ದಾರೆ. ಆಗ ಮಯೂರಿ ಕೂಡಾ ನೀವು ಆ ಅರ್ಥದಲ್ಲಿ ಹೇಳಿಲ್ಲ ಎಂದು ನನಗೂ ಗೊತ್ತು. ಆದರೆ ಇಲ್ಲಿನ ವಾತಾವರಣವೇ ಏನೋ ಆ ಕ್ಷಣಕ್ಕೆ ನನಗೆ ಅದು ಹರ್ಟ್ ಆಯ್ತು. ಆದರೆ ನಿಮ್ಮ ಉದ್ದೇಶ ನನಗೆ ನೋವು ಮಾಡಬೇಕಂದಲ್ಲ ಎಂದು ನನಗೆ ಗೊತ್ತು ಎಂದು ಸಮಾಧಾನಿಸಿದರು. ಮಯೂರಿಗೆ ಸಮಾಧಾನಿಸಿದ ಬಳಿಕ ಸ್ವತಃ ನೇಹಾ ಕಣ್ಣೀರು ಹಾಕಿದರು. ಬಳಿಕ ಇಬ್ಬರೂ ಪರಸ್ಪರ ಆಲಂಗಿಸಿಕೊಂಡು ಪ್ಯಾಚ್ ಅಪ್ ಮಾಡಿಕೊಂಡಿದ್ದಾರೆ.