ಬೆಂಗಳೂರು: ಬಿಗ್ ಬಾಸ್ ಕನ್ನಡದಲ್ಲಿ ಮೊದಲ ದಿನವೇ ವಾದ-ವಿವಾದ ಜೋರಾಗಿತ್ತು. ಈ ಬಾರಿ ಪ್ರಬಲ ಸ್ಪರ್ಧಿಗಳೇ ಮನೆಯಲ್ಲಿದ್ದಾರೆ.
ನಿನ್ನೆಯ ದಿನ ಆರ್ಯವರ್ಧನ್ ಗುರೂಜಿ ಹೆಸರಿನ ಬಗ್ಗೆ ಜೋರಾದ ಚರ್ಚೆ ನಡೆದಿತ್ತು. ಪ್ರಶಾಂತ್ ಸಂಬರ್ಗಿ ಹೆಸರನ್ನು ಆರ್ಯವರ್ಧನ್ ಗುರೂಜಿ ತಪ್ಪಾಗಿ ಉಚ್ಚರಿಸಿದ್ದು ಈ ವಾದಕ್ಕೆ ಮೂಲ ಕಾರಣವಾಯ್ತು.
ತಮ್ಮ ಹೆಸರಿನಲ್ಲಿರುವ ಸಂಬರ್ಗಿ ಹೆಸರನ್ನು ತಪ್ಪಾಗಿ ಉಚ್ಚರಿಸಿದ್ದಕ್ಕೆ ಪ್ರಶಾಂತ್ ಮಧ‍್ಯಪ್ರವೇಶಿಸಿ ನಿಮ್ಮ ನಿಜ ಹೆಸರು ಆರ್ಯವರ್ಧನ್ ಅಲ್ಲ. ನಿಮ್ಮ ನಿಜವಾದ ಹೆಸರು ಏನೆಂದು ನನಗೆ ಗೊತ್ತಿದೆ. ಅದನ್ನು ಕಿಚ್ಚ ಸುದೀಪ್ ಎದುರು ಹೇಳ್ತೀನಿ ಎಂದಿದ್ದಾರೆ. ಈ ನಡುವೆ ಮಧ್ಯಪ್ರವೇಶಿಸಿದ ಅರುಣ್ ಸಾಗರ್ ನಿಮ್ಮ ನಿಜ ಹೆಸರು ಸುಬ್ರಹ್ಮಣ್ಯ ಎಂದರು. ಆಗ ಆರ್ಯವರ್ಧನ್ ನನ್ನ ಹೆಸರು ಸರ್ಕಾರೀ ದಾಖಲೆಯಲ್ಲೂ ಆರ್ಯವರ್ಧನ್ ಎಂದೇ ಇರುವುದು ಎಂದಿದ್ದಾರೆ. ಈಗ ಪ್ರಶಾಂತ್ ಕಿಚ್ಚ ಸುದೀಪ್ ಮುಂದೆ ಆರ್ಯವರ್ಧನ್ ಗುರೂಜಿ ನಿಜವಾದ ಹೆಸರೇನೆಂದು ಖಂಡಿತವಾಗಿ ಹೇಳುವುದಾಗಿ ಪ್ರತಿಜ್ಞೆ ಮಾಡಿದ್ದಾರೆ.
