ಬೆಂಗಳೂರು: ಬಿಗ್ ಬಾಸ್ ಮನೆಯಲ್ಲಿ ದೀಪಿಕಾ ದಾಸ್ ತಮಗೆ ಸಿಕ್ಕ ಸೀಕ್ರೆಟ್ ಟಾಸ್ಕ್ ನ ಅನ್ವಯ ಶೈನ್ ಶೆಟ್ಟಿಗೆ ಒತ್ತಾಯ ಮಾಡಿ ಗಡ್ಡ ಬೋಳಿಸಿದ್ದಾಗಿದೆ. ಶೈನ್ ಹೊಸ ರೂಪಕ್ಕೆ ಜನ ಒಂದೊಂದು ರೀತಿಯಲ್ಲಿ ಪ್ರತಿಕ್ರಿಯೆ ನೀಡುತ್ತಿದ್ದಾರೆ.
ಆದರೆ ಶೈನ್ ವಾಸುಕಿ ಜತೆಗೆ ಹೋಗಿ ಗಡ್ಡ ಬೋಳಿಸಿಕೊಂಡು ಮನೆಯವರ ಎದುರು ಬಂದಾಗ ಮನೆಯವರಿಗೆಲ್ಲಾ ಶೈನ್ ಹೊಸ ರೂಪ ನೋಡಿ ಶಾಕ್ ಆಗಿತ್ತು. ಫುಲ್ ಗಡ್ಡ ಮೀಸೆ ಬೋಳಿಸಿ ಇನ್ನಷ್ಟು ಯಂಗ್ ಆಗಿ ಕಾಣುತ್ತಿರುವ ಶೈನ್ ರನ್ನು ನೋಡಿ ಒಂಥರಾ ಅಮೀರ್ ಖಾನ್ ರೀತಿ ಕಾಣುತ್ತಿದ್ದೀರಿ ಎಂದು ಹುಡುಗಿಯರು ಕಾಮೆಂಟ್ ಮಾಡಿದ್ದಾರೆ.
ಆದರೆ ಗಡ್ಡ ಬೋಳಿಸಿದ ಟಾಸ್ಕ್ ಮುಗಿದ ಮೇಲೆ ಡೈನಿಂಗ್ ಏರಿಯಾದಲ್ಲಿ ಮೂಡ್ ಔಟ್ ಆಗಿ ಕೂತಿದ್ದ ಶೈನ್ ರನ್ನು ಮನೆಯವರೆಲ್ಲಾ ಸಮಾಧಾನಿಸುವ ಕೆಲಸ ಮಾಡಿದ್ದರು. ಅದರಲ್ಲೂ ದೀಪಿಕಾ ಶೈನ್ ಹಿಂದೆ ಹೋಗಿ ಸಾರಿ ಕೇಳಿದ್ದೂ ಆಯ್ತು. ಕೊನೆಗೆ ಶೈನ್ ತಾವು ಬೇಸರಾದ ಹಾಗೆ ನಾಟಕ ಮಾಡಿದ್ದು ಎಂದು ದೀಪಿಕಾಗೇ ಚಮಕ್ ಕೊಟ್ಟರು. ಅಂತೂ ನಿನ್ನೆಯ ದಿನವಿಡೀ ಶೈನ್ ಗಡ್ಡದ ವಿಷಯವೇ ಮನೆಯಲ್ಲಿ ಗಿರಕಿ ಹೊಡೆಯುತ್ತಿತ್ತು.
