ಬೆಂಗಳೂರು: ಬಿಗ್ ಬಾಸ್ ಕನ್ನಡ ಸೀಸನ್ 10 ರಲ್ಲಿ ಈ ವಾರ ಮೊದಲ ಸೀಸನ್ ನಲ್ಲಿ ಎಲ್ಲರನ್ನೂ ರಂಜಿಸಿದ್ದ ಬ್ರಹ್ಮಾಂಡ ಗುರೂಜಿ ಅತಿಥಿಯಾಗಿ ಮನೆಗೆ ಬಂದಿದ್ದಾರೆ.
ತಮ್ಮ ಫೇಮಸ್ ಡೈಲಾಗ್ ಮುಂಡಾ ಮೋಚ್ತು ಎನ್ನುತ್ತಲೇ ಬಿಗ್ ಬಾಸ್ ಮನೆಗೆ ಎಂಟ್ರಿಕೊಟ್ಟ ಗುರೂಜಿ ಎಲ್ಲರ ಮುಖದಲ್ಲಿ ನಗು ಮೂಡಿಸಿದ್ದಾರೆ. ಈ ವಾರದ ಟಾಸ್ಕ್ ಗಳ ಸಂಪೂರ್ಣ ಉಸ್ತುವಾರಿಯೂ ಅವರದ್ದೇ. ತಮ್ಮದೇ ಶೈಲಿಯಲ್ಲಿ ಟಾಸ್ಕ್ ಮಾಡಿಸುತ್ತಾ ವೀಕ್ಷಕರಿಗೆ ಫುಲ್ ಎಂಟರ್ ಟೈನ್ ಮೆಂಟ್ ನೀಡುತ್ತಿದ್ದಾರೆ ಗುರೂಜಿ.
ಹೀಗಾಗಿ ಪ್ರೇಕ್ಷಕರಿಗೆ ಈ ಎಪಿಸೋಡ್ ಗಳು ಇಷ್ಟವಾಗುತ್ತಿದ್ದು, ಮುಂದಿನ ಕೆಲವು ದಿನ ಗುರೂಜಿ ಮನೆಯಲ್ಲೇ ಇರಲಿ ಎನ್ನುತ್ತಿದ್ದಾರೆ. ಕಳೆದ ಕೆಲವು ದಿನಗಳಿಂದ ಬರೀ ನೆಗೆಟಿವಿಟಿ, ಬೋರಿಂಗ್ ಎಪಿಸೋಡ್ ನೋಡಿ ಸಾಕಾಗಿದೆ. ಗುರೂಜಿ ಬಂದ ಮೇಲೆ ಕೊಂಚ ನಗು ಮೂಡುತ್ತಿದೆ. ಹೀಗಾಗಿ ಅವರ ಕೆಲವು ದಿನ ಮನೆಯಲ್ಲಿಯೇ ಇದ್ದು ನಮ್ಮನ್ನು ರಂಜಿಸಲಿ ಎಂದು ಸೋಷಿಯಲ್ ಮೀಡಿಯಾ ಮೂಲಕ ಫ್ಯಾನ್ಸ್ ಆಗ್ರಹಿಸುತ್ತಿದ್ದಾರೆ.
