Publish Date: Sun, 09 Sep 2018 (08:57 IST)
Updated Date: Sun, 09 Sep 2018 (08:59 IST)
ಹೈದರಾಬಾದ್: ಮುಂದಿನ ತಿಂಗಳು ತಮ್ಮ ಮೊದಲ ಮಗುವಿಗೆ ಜನ್ಮ ನೀಡಲಿರುವ ಟೆನಿಸ್ ತಾರೆ ಸಾನಿಯಾ ಮಿರ್ಜಾ ಇದೀಗ ಸೀಮಂತದ ಸಂಭ್ರಮದಲ್ಲಿದ್ದಾರೆ.
ಸಾನಿಯಾಗೆ ವಿಶಿಷ್ಟ ರೀತಿಯಲ್ಲಿ ಆಕೆಯ ತವರಿನ ಕುಟುಂಬ ಸೀಮಂತ ಕಾರ್ಯಕ್ರಮ ನೆರವೇರಿಸಿದೆ. ಸೀಮಂತ ಎನ್ನುವುದಕ್ಕಿಂತ ಇದನ್ನು ಒಂದು ಪಾರ್ಟಿ ಎಂದರೆ ಅಡ್ಡಿಯಿಲ್ಲ. ಆದರೆ ಸಾನಿಯಾ ಮಾತ್ರ ಬೇಸರದಲ್ಲಿದ್ದರು.
ಅದಕ್ಕೆ ಕಾರಣ ಪತಿ ಶೊಯೇಬ್ ಮಲಿಕ್ ಗೈರು ಹಾಜರಾಗಿದ್ದರು. ಪಾಕ್ ಕ್ರಿಕೆಟಿಗರೂ ಆಗಿರುವ ಮಲಿಕ್ ಸದ್ಯಕ್ಕೆ ಏಷ್ಯಾ ಕಪ್ ಕ್ರಿಕೆಟ್ ಟೂರ್ನಿಗಾಗಿ ದುಬೈನಲ್ಲಿದ್ದಾರೆ. ಹೀಗಾಗಿ ಸಾನಿಯಾಗಾಗಿ ಏರ್ಪಡಿಸಿದ್ದ ಪಾರ್ಟಿಗೆ ಬಂದಿರಲಿಲ್ಲ. ಮಿಕ್ಕಂತೆ ಸಾನಿಯಾ ತಂಗಿ ಆನಮ್ ಮಿರ್ಜಾ, ತಂದೆ, ತಾಯಿ ಕುಟುಂಬದವರು, ಸ್ನೇಹಿತರು ಪಾರ್ಟಿಗೆ ಬಂದಿದ್ದರು. ವಿಶೇಷವೆಂದರೆ ಎಲ್ಲರೂ ಒಂದೊಂದು ಪ್ರಾಣಿಯ ವೇಷ ತೊಟ್ಟು ಸಂಭ್ರಮಿಸಿದ್ದರು. ಈ ಸಂತೋಷದ ಕ್ಷಣಗಳನ್ನು ಸಾನಿಯಾ ತಮ್ಮ ಸಾಮಾಜಿಕ ಜಾಲತಾಣದಲ್ಲಿ ಪ್ರಕಟಿಸಿದ್ದಾರೆ.
ತಾಜಾ ಸುದ್ದಿಗಳನ್ನು ಓದಲು ವೆಬ್ ದುನಿಯಾ ಮೊಬೈಲ್ ಆಪ್ ಡೌನ್ ಲೋಡ್ ಮಾಡಿಕೊಳ್ಳಿ.