ಟೋಕಿಯೋ: ಪುರುಷರ ಹೆವಿವೈಟ್ ಬಾಕ್ಸಿಂಗ್ ಕ್ವಾರ್ಟರ್ ಫೈನಲ್ ಪಂದ್ಯದಲ್ಲಿ ಭಾರತದ ಸತೀಶ್ ಕುಮಾರ್ ಸೋಲು ಅನುಭವಿಸಿದ್ದಾರೆ.
ಉಜ್ಬೇಕಿಸ್ತಾನ್ ನ ಜಲೊಲೊವ್ ವಿರುದ್ಧ ಸತೀಶ್ 0-5 ಅಂತರದ ಸೋಲು ಕಂಡಿದ್ದಾರೆ. ಗಾಯವಾಗಿದ್ದರೂ ವೈದ್ಯಕೀಯ ತಂಡ ಹಸಿರು ನಿಶಾನೆ ತೋರಿದ ಕಾರಣಕ್ಕೆ ಅಂತಿಮ ಕ್ಷಣದಲ್ಲಿ ಕಣಕ್ಕಿಳಿದಿದ್ದ ಸತೀಶ್ ಕೊನೆಗೂ ನಿರಾಸೆ ಮೂಡಿಸಿದ್ದಾರೆ.
ತಮ್ಮ ಗಾಯದ ಕಾರಣವೇ ಅವರಿಗೆ ಮುಳುವಾಗಿತ್ತು. ಉಜ್ಬೇಕಿಸ್ತಾನ್ ನ ದೈತ್ಯನ ಮುಂದೆ ಅವರಿಗೆ ಇಂದು ಸಮಬಲದ ಹೋರಾಟ ನಡೆಸಲು ಸಾಧ್ಯವಾಗಲಿಲ್ಲ ಎನ್ನುವುದು ವಿಪರ್ಯಾಸ.
