ಸೆಮಿಫೈನಲ್ ನಲ್ಲಿ ಸೋತ ಲೊವ್ಲಿನಾ ಕಂಚಿನ ಪದಕಕ್ಕೆ ತೃಪ್ತಿ

ಟೋಕಿಯೋ: ಮಹಿಳೆಯರ ಬಾಕ್ಸಿಂಗ್ ವಿಭಾಗದಲ್ಲಿ ಭಾರತದ ಲೊವ್ಲಿನಾ ಬರ್ಗೊಹೆ ಸೆಮಿಫೈನಲ್ ನಲ್ಲಿ ಸೋತು ಕಂಚಿನ ಪದಕಕ್ಕೆ ತೃಪ್ತಿಪಟ್ಟುಕೊಂಡಿದ್ದಾರೆ.

ಇದೀಗ ನಡೆದ ಸೆಮಿಫೈನಲ್ ಪಂದ್ಯದಲ್ಲಿ ಲೊವ್ಲಿನಾ ಟರ್ಕಿಯ ಸುರ್ಮೆನೆಲಿ ಬುಸೆನಾಝ್ ವಿರುದ್ಧ 0-5 ಅಂತರದಿಂದ ಸೋಲು ಅನುಭವಿಸಿದ್ದಾರೆ. ಇಂದಿನ ಪಂದ್ಯದಲ್ಲಿ ಸುರ್ಮೆನೆಲಿ ಸಂಪೂರ್ಣವಾಗಿ ಲೊವ್ಲಿನಾ ವಿರುದ್ಧ ಮೇಲುಗೈ ಹೊಂದಿದ್ದರು.

ಈ ಪಂದ್ಯಕ್ಕೂ ಮೊದಲೇ ಲೊವ್ಲಿನಾಗೆ ಕನಿಷ್ಠ ಕಂಚಿನ ಪದಕ ಖಾತ್ರಿಯಾಗಿತ್ತು. ಹಾಗಿದ್ದರೂ ಇಂದು ಪದಕ ಗೆದ್ದು ಫೈನಲ್ ಗೇರಿದ್ದರೆ ಬೆಳ್ಳಿ ಅಥವಾ ಚಿನ್ನದ ಪದಕ ಗೆಲ್ಲುವ ಅವಕಾಶವಿತ್ತು.