ಪ್ಯಾರಿಸ್ ಒಲಿಂಪಿಕ್ಸ್ ನಲ್ಲಿ ಪಿವಿ ಸಿಂಧುಗೆ ಸಾಥ್ ನೀಡುತ್ತಿರುವ ಮೆಗಾಸ್ಟಾರ್ ಚಿರಂಜೀವಿ ಫ್ಯಾಮಿಲಿ ಏನೆಲ್ಲಾ ಮಾಡ್ತಿದೆ ನೋಡಿ

Photo Credit: Instagram

ಪ್ಯಾರಿಸ್: ಪ್ಯಾರಿಸ್ ಒಲಿಂಪಿಕ್ಸ್ 2024 ರಲ್ಲಿ ಸ್ಪರ್ಧಿಸುತ್ತಿರುವ ಭಾರತದ ಖ್ಯಾತ ಬ್ಯಾಡ್ಮಿಂಟನ್ ತಾರೆ ಪಿವಿ ಸಿಂಧುಗೆ ಮೆಗಾಸ್ಟಾರ್ ಚಿರಂಜೀವಿ ಫ್ಯಾಮಿಲಿ ಸಮೇತ ಜೊತೆಯಾಗಿ ನಿಂತು ಸಪೋರ್ಟ್ ಮಾಡುತ್ತಿದ್ದಾರೆ.

ಪಿವಿ ಸಿಂಧು ಮೊದಲ ಪಂದ್ಯದಲ್ಲಿ ಗೆಲುವು ಸಾಧಿಸಿದ್ದರು. ಈ ಪಂದ್ಯದ ವೇಳೆ ಚಿರಂಜೀವಿ, ಅವರ ಪತ್ನಿ, ಪುತ್ರ ರಾಮ್ ಚರಣ್, ಸೊಸೆ ಉಪಾಸನಾ, ಮೊಮ್ಮಗಳು ಕ್ಲಿನ್ ಕ್ಲಾರಾ ಮತ್ತು ಅವರ ಮುದ್ದಿನ ನಾಯಿ ಕೂಡಾ ಮೈದಾನದಲ್ಲಿ ಪಂದ್ಯ ವೀಕ್ಷಿಸಿದೆ. ಸಿಂಧು ಹೆಸರೆತ್ತಿ ಜೋರಾಗಿ ಚಿಯರ್ ಅಪ್ ಮಾಡಿದ್ದಾರೆ.

ಇದು ಇಷ್ಟಕ್ಕೇ ನಿಂತಿಲ್ಲ. ಒಲಿಂಪಿಕ್ಸ್ ಗ್ರಾಮದಲ್ಲಿ ಸಿಂಧು ಜೊತೆಗೇ ಕುಟುಂಬ ಸದಸ್ಯರಂತೆ ಚಿರಂಜೀವಿ ಕುಟುಂಬ ಜೊತೆಗೇ ಇದ್ದು ಆತ್ಮೀಯವಾಗಿ ಕಾಲ ಕಳೆದಿದ್ದಾರೆ. ಇದು ಕೇವಲ ಸಿಂಧುಗೆ ಮಾತ್ರವಲ್ಲ, ಭಾರತದ ಇತರೆ ಕ್ರೀಡಾಪಟುಗಳ ಬಗ್ಗೆಯೂ ಚಿರಂಜೀವಿ ಫ್ಯಾಮಿಲಿ ಕಾಳಜಿ ವಹಿಸುತ್ತಿದ್ದಾರೆ.

ದಕ್ಷಿಣ ಭಾರತದಿಂದ ತೆರಳಿರುವ ಸ್ಪರ್ಧಿಗಳು ಪ್ಯಾರಿಸ್ ನಲ್ಲಿ ತಮ್ಮ ಮೆಚ್ಚಿನ ರಸಂ, ಉಪ್ಪಿನಕಾಯಿ ಇತ್ಯಾದಿ ಆಹಾರ ವಸ್ತುಗಳನ್ನು ಮಿಸ್ ಮಾಡಿಕೊಳ್ಳುತ್ತಿದ್ದಾರೆ. ಆದರೆ ಅವರಿಗೆ ಇದ್ಯಾವುದೂ ಕಾಡದಂತೆ ಉಪ್ಪಿನಕಾಯಿ, ರಸಂ ಮಿಕ್ಸ್, ಪುಳಿಯೋಗರೆ ಮಿಕ್ಸ್ ನೀಡಿ ಕ್ರೀಡಾಳುಗಳಿಗೆ ಸಹಾಯ ಮಾಡುತ್ತಿದ್ದಾರೆ. ಕೆಲವು ದಿನಗಳ ಹಿಂದೆ ಲಂಡನ್ ನಲ್ಲಿದ್ದ ಚಿರಂಜೀವಿ ಫ್ಯಾಮಿಲಿ ಈಗ ಒಲಿಂಪಿಕ್ಸ್ ಪಂದ್ಯಾವಳಿಗಳನ್ನು ವೀಕ್ಷಿಸಲು ಪ್ಯಾರಿಸ್ ನಲ್ಲಿ ಬೀಡುಬಿಟ್ಟಿದೆ.