ನಾನಾ ರೀತಿಯ ದೋಸೆಗಳನ್ನು ಮಾಡಿಕೊಂಡು ಸವಿಯಬಹುದು. ಹೇಗೆ ಮಾಡಿದರೂ ದೋಸೆಗಳು ರುಚಿಕರವಾಗಿಯೂ ಹಾಗೂ ಎಲ್ಲಾ ವಯೋಮಾನದವರೂ ಇಷ್ಟಪಡುವ ತಿಂಡಿಯಾಗಿದೆ. ಇದರಲ್ಲಿ ಪ್ರೋಟೀನ್ ದೋಸಾ ಕೂಡಾ ಹೊರತಾಗಿಲ್ಲ. ಈ ದೋಸೆಯನ್ನು ಬಾಣಂತಿಯರಿಗೂ ಬೇಕಾದರೂ ಮಾಡಿ ಕೊಡಬಹುದು.
(ಹಸಿಮೆಣಸನ್ನು ಹಾಕಬಾರದು) ಪ್ರೋಟೀನ್ ದೋಸೆಯ ವಿಶೇಷವೇನೆಂದರೆ ಈ ದೋಸೆಯ ಹಿಟ್ಟಿಗೆ ಕಾಲಾವಕಾಶ ಕೊಡಬೇಕೇಂತೇನಿಲ್ಲ. ಹಾಗೆಯೇ ಎರೆದು ತಿನ್ನಬಹುದು. ಹಾಗಾದರೆ ಹೇಗೆ ಮಾಡುವುದು ಎಂದು ಹೇಳ್ತೀವಿ. ನೀವೂ ಒಮ್ಮೆ ಟ್ರೈ ಮಾಡಿ ನೋಡಿ.
ತಯಾರಿಸಲು ಬೇಕಾಗುವ ಸಾಮಗ್ರಿಗಳು :
* 2 ಕಪ್ ಹೆಸರುಕಾಳು
* 1 ಕಪ್ ಅಕ್ಕಿ
* 1 ಕಪ್ ಉದ್ದಿನಬೇಳೆ
* 2 ಚಮಚ ಮೆಂತ್ಯೆ ಕಾಳು
* 2 ಈರುಳ್ಳಿ
* ಸ್ವಲ್ಪ ಮೆಣಸಿನಕಾಯಿ
* ಮೆಂತ್ಯೆಸೊಪ್ಪು
* 1 ಚಮಚ ಜೀರಿಗೆ
* ಕರಿಬೇವು
* ಕೊತ್ತಂಬರಿ ಸೊಪ್ಪು
* ಉಪ್ಪು
5 ಗ್ರಾಂ ENO
ತಯಾರಿಸುವ ವಿಧಾನ :
ಮೊದಲು 2 ಕಪ್ ಹೆಸರುಕಾಳು, 1 ಕಪ್ ಅಕ್ಕಿ, 1 ಕಪ್ ಉದ್ದಿನಬೇಳೆ ಮತ್ತು 2 ಚಮಚ ಮೆಂತ್ಯೆ ಕಾಳು ಇವುಗಳನ್ನು 10 ರಿಂದ 12 ಗಂಟೆಗಳ ಕಾಲ ನೆನೆಸಿಡಬೇಕು. ನಂತರ ಅದನ್ನು ನುಣ್ಣಗೆ ರುಬ್ಬಬೇಕು. ನಂತರ 2 ಈರುಳ್ಳಿ, ಹಸಿಮೆಣಸಿನಕಾಯಿ, ಮೆಂತ್ಯೆಸೊಪ್ಪು, 1 ಚಮಚ ಜೀರಿಗೆ, ಕರಿಬೇವು, ಕೊತ್ತಂಬರಿ ಸೊಪ್ಪು ಮತ್ತು ಉಪ್ಪನ್ನು ಸೇರಿಸಿ ರುಬ್ಬಿಕೊಂಡು ಈಗಾಗಲೇ ರುಬ್ಬಿಕೊಂಡ ದೋಸೆ ಹಿಟ್ಟಿಗೆ ಸೇರಿಸಬೇಕು. ಈ ಮಿಶ್ರಣವನ್ನು ಹುದುಗಲು ಬಿಡಬೇಕೆಂದೇನಿಲ್ಲ. ನಂತರ ಇದಕ್ಕೆ 1 ಚಮಚ ಅಂದರೆ 5 ಗ್ರಾಂ ENO ಸೇರಿಸಿ 5 ನಿಮಿಷ ಬಿಟ್ಟು ದೋಸೆ ಎರೆದರೆ ಗರಿಗರಿಯಾದ ಪ್ರೋಟೀನ್ ದೋಸೆ ಸವಿಯಲು ಸಿದ್ಧ.
