ಆರೋಗ್ಯಕರ ಉಪಾಹಾರಕ್ಕಾಗಿ ಓಟ್ಸ್ ಉತ್ತಪ್ಪ

ಬೇಕಾಗುವ ಸಾಮಗ್ರಿಗಳು - 

2 ಕಪ್ ಓಟ್ಸ್

1 ಕಪ್ ಮೊಸರು

2 ಚಮಚ ಉಪ್ಪು

ಅಗತ್ಯವಿರುವಷ್ಟು ನೀರು

1 ಕಪ್ ಅಕ್ಕಿ ಹಿಟ್ಟು

1 ಚಮಚ ತುರಿದ ಶುಂಠಿ

1 ಹಸಿರು ಮೆಣಸಿನಕಾಯಿ ಚಿಕ್ಕದಾಗಿ ಹೆಚ್ಚಿದ್ದು

1 ಚಮಚ ಕರಿ ಮೆಣಸಿನ ಪುಡಿ

1 ಚಮಚ ಎಣ್ಣೆ

2 ಚಮಚ ಈರುಳ್ಳಿ ಸಣ್ಣದಾಗಿ ಹೆಚ್ಚಿದ್ದು

2 ಚಮಚ ತುರಿದ ಕ್ಯಾರೆಟ್

2 ಚಮಚ ಕೊತ್ತಂಬರಿ ಸೊಪ್ಪು

ಮಾಡುವ ವಿಧಾನ - 

-ಮಿಕ್ಸರ್‌ನಲ್ಲಿ ಓಟ್ಸ್ ಅನ್ನು ಪುಡಿಮಾಡಿಕೊಳ್ಳಿ (ನೀರು ಸೇರಿಸಬಾರದು)

- ಒಂದು ಬಟ್ಟಲಿಗೆ ಪುಡಿಮಾಡಿ ಓಟ್ಸ್, ಮೊಸರು, ಉಪ್ಪು ಸೇರಿಸಿ ಮಿಶ್ರಣ ಮಾಡಿ.

- ಅದಕ್ಕೆ ಸ್ವಲ್ಪ ನೀರು ಸೇರಿಸಿ ಮಿಶ್ರಣ ಮಾಡಿ.

- ಕನಿಷ್ಠ 1 ಗಂಟೆ ಕಾಲ ಅದನ್ನು ಪಕ್ಕಕ್ಕೆ ಇರಿಸಿ.

- ಒಂದು ಗಂಟೆಯ ನಂತರ, ಅದಕ್ಕೆ ಇನ್ನು ಸ್ವಲ್ಪ ನೀರು ಸೇರಿಸಿ ಹಿಟ್ಟನ್ನು ಚೆನ್ನಾಗಿ ಮಿಶ್ರಣ ಮಾಡಿ.

-ಈಗ ಅದಕ್ಕೆ ಅಕ್ಕಿ ಹಿಟ್ಟು ಸೇರಿಸಿ ಇನ್ನು ಸ್ವಲ್ಪ ನೀರು ಸೇರಿಸಿ ಮಿಶ್ರಣ ಮಾಡಿ.

- ಶುಂಠಿ, ಹಸಿರು ಮೆಣಸಿನಕಾಯಿ, ಕರಿಮೆಣಸಿನ ಪುಡಿ ಮತ್ತು ಉಪ್ಪನ್ನು ಸೇರಿಸಿ ( ಹಿಟ್ಟನ್ನು ಸ್ವಲ್ಪ ದಪ್ಪವಾಗಿರಿಸಬೇಕು )

- ಈಗ ತವಾಗೆ ಎಣ್ಣೆ ಸವರಿ ಬಿಸಿ ಮಾಡಿ, ಅದರ ಮೇಲೆ ಹಿಟ್ಟನ್ನು ಸುರಿದು ದೋಸೆ ರೀತಿಯಲ್ಲಿ ಮಾಡಿ

- ಅದರ ಮೇಲೆ ಈರುಳ್ಳಿ, ಕ್ಯಾರೆಟ್ ಮತ್ತು ಕೊತ್ತಂಬರಿ ಸೊಪ್ಪನ್ನು ಹಾಕಿ ನಿಧಾನವಾಗಿ ಒತ್ತಿರಿ.

- ಸುತ್ತಲು ಎಣ್ಣೆ ಅಥವಾ ತುಪ್ಪ ಹಾಕಿ ಕವರ್ ಮಾಡಿ 1 ನಿಮಿಷ ಬೇಯಿಸಿ, ಹೀಗೆ ಎರಡು ಬದಿಯಲ್ಲಿ ಹುರಿಯಿರಿ.