ಮಾಂಸಹಾರಿಗಳಿಗಂತೂ ಈ ವಡಾ ಸಖತ್ ಇಷ್ಟವಾಗುತ್ತೆ!

ಬೆಂಗಳೂರು : ಹೆಚ್ಚಾಗಿ ಫಿಶ್ ಅಡುಗೆ ರುಚಿಕರವಾಗಿರುವುದರಿಂದ ಅದನ್ನು ಮಾಂಸಾಹಾರಿಗಳು ತುಂಬಾ ಇಷ್ಟಪಡುತ್ತಾರೆ. ಇಂತಹ ರುಚಿಕರವಾದ ಫಿಶ್ ನಿಂದ ವಡಾ ಕೂಡ ಮಾಡಬಹುದು. ಅದು ಹೇಗೆ ಎಂಬುದನ್ನು ತಿಳಿಯೋಣ ಬನ್ನಿ.

ಬೇಕಾಗುವ ಸಾಮಾಗ್ರಿಗಳು:
ದೊಡ್ಡ ಗಾತ್ರದ ಮೀನು ½ ಕೆಜಿ, ಖಾರದ ಪುಡಿ 1 ½ ಚಮಚ, ಕಡಲೆ ಹಿಟ್ಟು 100ಗ್ರಾಂ, ಅರಿಶಿನ ಪುಡಿ ½ ಚಮಚ, ಶುಂಠಿ-ಬೆಳ್ಳುಳ್ಳಿ ಪೇಸ್ಟ್ ½ ಚಮಚ, ಗರಂ ಮಸಾಲ 1 ಚಮಚ, ಜೀರಿಗೆ ಪುಡಿ ½ ಚಮಚ, ನಿಂಬೆ ಹಣ್ಣು 1, ಸೋಂಪು 1 ಚಮಚ, ರುಚಿಗೆ ತಕ್ಕಷ್ಟು ಉಪ್ಪು.

ತಯಾರಿಸುವ ವಿಧಾನ:
ಮೀನನ್ನು ಕ್ಲೀನ್ ಮಾಡಿ ಅದಕ್ಕೆ ಅರಶಿನ ಮತ್ತು ಉಪ್ಪನ್ನು ಹಾಕಿ ಚೆನ್ನಾಗಿ ಮಿಕ್ಸ್ ಮಾಡಿ ½ ಗಂಟೆ ಇಡಿ. ನಂತರ ಒಂದು ಪಾತ್ರೆಯಲ್ಲಿ  ಕಡಲೆ ಹಿಟ್ಟು, ಗರಂ ಮಸಾಲ ಪುಡಿ, ಖಾರದ ಪುಡಿ, ಶುಂಠಿ-ಬೆಳ್ಳುಳ್ಳಿ ಪೇಸ್ಟ್, ಜೀರಿಗೆ ಪುಡಿ,ನಿಂಬೆರಸ ಹಾಕಿ  ಚೆನ್ನಾಗಿ ಕಲಸಿ ಅದಕ್ಕೆ ಮೀನನ್ನು ಹಾಕಿ ಮಿಕ್ಸ್ ಮಾಡಿ ಮತ್ತೆ  ½ ಗಂಟೆ ಇಡಿ. ಬಳಿಕ ಒಂದು ಪ್ಯಾನ್ ನಲ್ಲಿ ಎಣ್ಣೆ ಹಾಕಿ ಅದು ಕಾದ ಮೇಲೆ ಈ ಮೀನನ್ನು ಹಾಕಿ ಡೀಪ್ ಪ್ರೈ ಮಾಡಿದರೆ ವಡಾ ರೆಡಿ.