ರುಚಿಕರ ಅನಾನಸ್ ಹಣ್ಣಿನ ರಸಂ ಮಾಡುವುದು ಹೇಗೆ ಗೊತ್ತಾ?

ಬೇಕಾಗುವ ಸಾಮಗ್ರಿ: 

2 ಟೊಮೆಟೊ ಹಣ್ಣು

1/2 ಲೀಟರ್ ಅನಾನಸ್ ಹಣ್ಣಿನ ಜ್ಯೂಸ್

ಸ್ವಲ್ಪ ಕೊತ್ತಂಬರಿ ಸೊಪ್ಪು

2 ಪೇಸ್ಟ್ ಮಾಡಿದ ಹಸಿ ಮೆಣಸಿನಕಾಯಿ

ಉಪ್ಪು

1/2 ಚಮಚ ಧನಿಯಾಪುಡಿ

1 ಲೋಟ ನೀರು

2 ಚಿಟಿಕೆ ಹಿಂಗು

2-3 ಕೆಂಪು ಮೆಣಸಿನಕಾಯಿ

4 ಬೆಳ್ಳುಳ್ಳು ಎಸಳು

ಕರಿಬೇವಿನ ಎಲೆ

2 ಚಮಚ ಎಣ್ಣೆ

1/4 ಚಮಚ ಸಾಸಿವೆ ಕಾಳು

ಮಾಡುವ ವಿಧಾನ

* ಒಂದು ಮಿಕ್ಸಿ ಜಾರ್‌ನಲ್ಲಿ ಟೊಮೆಟೊ ಹಣ್ಣು, ಕೊತ್ತಂಬರಿ ಸೊಪ್ಪು ಹಾಕಿ ಚೆನ್ನಾಗಿ ರುಬ್ಬಿಕೊಳ್ಳಿ.

* ಒಂದು ಬಾಣಲೆಯಲ್ಲಿ ಪೇಸ್ಟ್ ಮಾಡಿದ ಹಸಿ ಮೆಣಸಿನಕಾಯಿ, ಹಿಂಗು, ಧನಿಯಾಪುಡಿ ಹಾಕಿ ಕಡಿಮೆ ಉರಿಯಲ್ಲಿ ಹುರಿಯಿರಿ, ನಂತರ ಅದಕ್ಕೆ ಟೊಮೆಟೊ ಹಣ್ಣು, ಕೊತ್ತಂಬರಿ ಸೊಪ್ಪು ಹಾಕಿ ರುಬ್ಬಿದ ಮಿಶ್ರಣ, ನೀರು, ಅನಾನಸ್ ಹಣ್ಣಿನ ಜ್ಯೂಸ್ ಹಾಕಿ 10 ನಿಮಿಷ ಕುದಿಸಿ

* ಒಂದು ಬಾಣಲೆಯಲ್ಲಿ ಎಣ್ಣೆ ಬಿಸಿ ಮಾಡಿ, ಅದಕ್ಕೆ ಸಾಸಿವೆ ಕಾಳು, ಕರಿಬೇವಿನ ಎಲೆ, ಬೆಳ್ಳುಳ್ಳು ಎಸಳು, ಕೆಂಪು ಮೆಣಸಿನಕಾಯಿ ಹಾಕಿ ಒಗ್ಗರೆ ತಯಾರಿಸಿ, ಅದನ್ನು ರಸಂನಲ್ಲಿ ಸೇರಿಸಿದರೆ ರುಚಿಕರ ಅನಾನಸ್ ಹಣ್ಣಿನ ರಸಂ ಸವಿಯಲು ಸಿದ್ಧ.