ಸುಲಭವಾಗಿ ಬಾಳೆಹಣ್ಣಿನಿಂದ ಶ್ಯಾವಿಗೆ ಮಾಡಬಹುದು ಗೊತ್ತಾ?

ಬಾಳೆಹಣ್ಣಿನಿಂದ ವಿಧ ವಿಧವಾದ ಖಾದ್ಯಗಳನ್ನು ತಯಾರಿಸಬಹುದು. ಅವು ರುಚಿಯಾಗಿಯೂ ಶುಚಿಯಾಗಿಯೂ ಇರುತ್ತದೆ. ಅದರಲ್ಲಿ ಬಾಳೆಹಣ್ಣಿನ ಶ್ಯಾವಿಗೆಯೂ ಒಂದು. 

ಬೇಕಾಗುವ ಸಾಮಗ್ರಿಗಳು :

ಅಕ್ಕಿ 2 ಕಪ್

ಬಾಳೆಹಣ್ಣು 12 ರಿಂದ 13 

ಬೆಲ್ಲ 1/2 ಕಪ್

ರುಚಿಗೆ ತಕ್ಕಷ್ಟು ಉಪ್ಪು

ಏಲಕ್ಕಿ 5 ರಿಂದ 6

ಮಾಡುವ ವಿಧಾನ :

ಮೊದಲು ಅಕ್ಕಿಯನ್ನು 3 ರಿಂದ 4 ಗಂಟೆಗಳ ಕಾಲ ನೆನೆಸಿಡಬೇಕು. ನೆನೆಸಿಟ್ಟ ಅಕ್ಕಿಯನ್ನು ತೊಳೆದು ನುಣ್ಣಗೆ ರುಬ್ಬಿಕೊಳ್ಳಬೇಕು. ನಂತರ ರುಬ್ಬಿಕೊಂಡ ಅಕ್ಕಿಯ ಜೊತೆ ಬಾಳೆಹಣ್ಣನ್ನು ಹಾಕಿ ಏಲಕ್ಕಿಯನ್ನು ಸೇರಿಸಿ ಮತ್ತೆ ಚೆನ್ನಾಗಿ ರುಬ್ಬಿಕೊಂಡು ಅದಕ್ಕೆ ಸಾಗಾಗುವಷ್ಟು ಬೆಲ್ಲ ಮತ್ತು ಅದು ಸವಳು ಆಗದೇ ಇರಲು 1 ಚಮಚ ಉಪ್ಪನ್ನು ಸೇರಿಸಬೇಕು. ನಂತರ ಈ ಮಿಶ್ರಣವನ್ನು ಒಂದು ಪಾತ್ರೆಯಲ್ಲಿ ಹಾಕಿ ಕಡುಬು ಅಥವಾ ಇಡ್ಲಿ ಮಾಡುವ ಪಾತ್ರೆಯಲ್ಲಿ ಸುಮಾರು 30 ನಿಮಿಷಗಳ ಕಾಲ ಬೇಯಿಸಬೇಕು. ನಂತರ ಇದು ಬಿಸಿಯಿರುವಾಗಲೇ ಶ್ಯಾವಿಗೆ ಮಟ್ಟಿನಿಂದ ಒತ್ತಬೇಕು. (ಈ ಮಿಶ್ರಣವು ತಣ್ಣಗಾದರೆ ಮುದ್ದೆಯಾಗುತ್ತದೆ) ಈ ಶ್ಯಾವಿಗೆಗೆ ತುಪ್ಪ ಅಥವಾ ತೆಂಗಿನ ಹಾಲು ಹಾಕಿಕೊಂಡು ತಿಂದರೆ ಚೆನ್ನಾಗಿರುತ್ತದೆ 

ತೆಂಗಿನ ಹಾಲನ್ನು ಮಾಡುವ ವಿಧಾನ : ಕಾಯಿಯನ್ನು ತುಂಬಾ ನುಣ್ಣಗೆ ರುಬ್ಬಿ ಅದರ ರಸವನ್ನು ಹಿಂಡಿ, ಆ ರಸಕ್ಕೆ ಬೆಲ್ಲ ಮತ್ತು ಏಲಕ್ಕಿ ಪುಡಿಯನ್ನು ಹಾಕಿದರೆ ತೆಂಗಿನ ಹಾಲು ಸವಿಯಲು ಸಿದ್ಧ.