ಮನೆಯಲ್ಲಿಯೇ ಮಾಡಿ‌ ಮಂಗಳೂರು ಶೈಲಿ ಕಷಾಯ ಪುಡಿ

Photo Credit X

ಕರಾವಳಿ ಭಾಗದಲ್ಲಿ ಹೆಚ್ಚಿನವರಿಗೆ ಸಂಜೆ ಹಾಗೂ ಬೆಳಗ್ಗಿನ‌ ಸಮಯದಲ್ಲಿ ಕಷಾಯ ಕುಡಿಯುವ ಅಭ್ಯಾಸವಿದೆ. ಇದು ಆರೋಗ್ಯಕ್ಕೆ ತುಂಬಾನೇ ಒಳ್ಳೆಯದು. ಈ ಕಷಾಯ ಪೌಡರ್ ಅನ್ನು ಮನೆಯಲ್ಲಿಯೇ ತಯಾರಿಸಬಹುದು. 

ಬೇಕಾಗುವ ಸಾಮಗ್ರಿಗಳು
ಕೊತ್ತಂಬರಿ ಬೀಜ ೨ಕಪ್
ಜೀರಿಗೆ ೧/೨ಕಪ್
ಮೆಂತ್ಯೆ ಕಾಳು ೨ಚಮಚ
ಕಾಳುಮೆಣಸು ೨ ರಿಂದ ೩ ಚಮಚ
ಲವಂಗ ೪ರಿಂದ ೫

ಮಾಡುವ ವಿಧಾನ: ಕೊತ್ತಂಬರಿ ಬೀಜವನ್ನು ಪರಿಮಳ ಬರುವವರೆಗೆ ಹುರಿಯಿತಿ, ನಂತರ ಅದಕ್ಕೆ ಜೀರಿಗೆ ಸೇರಿಸಿ, ಸ್ವಲ್ಪ ಹುರಿಯಿರಿ. ಇದನ್ನು ಪ್ರತ್ಯೇಕವಾಗಿ ಇಡಿ. ನಂತರ ಕಾಳುಮೆಣಸು, ಮೆಂತ್ಯೆ ಹಾಗೂ ಲವಂಗವನ್ನು ಪ್ರತ್ಯೇಕವಾಗಿ ಹುರಿಯಿರಿ. 

ಈ ಮಿಶ್ರಣ ತಣ್ಣಗಾದ ಮೇಲೆ ಮಿಕ್ಸಿಯಲ್ಲಿ ಚೆನ್ನಾಗಿ‌ ಪುಡಿ ಮಾಡಿ. 

ಕಷಾಯ ಮಾಡುವ ವಿಧಾನ: ೧ಲೋಟ ನೀರಿಗೆ ೧ಚಮಚ ಕಷಾಯ ಪೌಡರ್ ಹಾಕಿ. ಅದಕ್ಕೆ ೧/೨ಲೋಟ ಹಾಲು ಹಾಕಿ‌ ಚೆನ್ನಾಗಿ ಕುದಿಸಿ. ನಂತರ ಬೆಲ್ಲ ಸೇರಿಸಿ ಕುಡಿಯಿರಿ.‌<>