ಕ್ಷಣಾರ್ಧದಲ್ಲಿ ಎಗ್‌ರೈಸ್ ಮಾಡಲು ಇಲ್ಲಿದೆ ಮಾಹಿತಿ

ಬೇಕಾಗುವ ಸಾಮಾಗ್ರಿಗಳು-

ಬೇಯಿಸಿದ ಅನ್ನ - ಒಂದು ಕಪ್

ಹಸಿಮೆಣಸಿನ ಕಾಯಿ – 2-3

ಈರುಳ್ಳಿ ಹೆಚ್ಚಿದ್ದು – 1

ಶುಂಠಿ ಬೆಳ್ಳುಳ್ಳಿ ಪೇಸ್ಟ್ – 1 ಚಮಚ

ಅರಿಶಿನ -ಸ್ವಲ್ಪ

ಧನಿಯಾ ಪುಡಿ - 1/2 ಚಮಚ

ಖಾರದ ಪುಡಿ - 1/2 ಚಮಚ

ಕೊತ್ತಂಬರಿ/ ಪುದೀನ ಸೊಪ್ಪು - ಸ್ವಲ್ಪ

ಚಕ್ಕೆ, ಲವಂಗ, ಏಲಕ್ಕಿ - 2

ಬಿರಿಯಾನಿ ಎಲೆ - 1

ನಿಂಬೆರಸ - 1  ಚಮಚ

ಉಪ್ಪು

ಎಣ್ಣೆ - 3 ದೊಡ್ಡ ಚಮಚ

ಬೇಯಿಸಿದ ಮೊಟ್ಟೆ - 3

ಮಾಡುವ ವಿಧಾನ: 

-ಮೊದಲು ಅನ್ನ ಬೇಯಿಸಿಡಿ. 

- ಆಮೇಲೆ ಬಾಣಲೆಯಲ್ಲಿ ಎಣ್ಣೆ ಬಿಸಿ ಮಾಡಿ, ಚಕ್ಕೆ, ಲವಂಗ, ಏಲಕ್ಕಿ, ಹೆಚ್ಚಿದ ಈರುಳ್ಳಿ, ಬಿರಿಯಾನಿ ಎಲೆ, ಸೇರಿಸಿ ಬಾಡಿಸಿ. 

- ನಂತರ ಶುಂಠಿ ಬೆಳ್ಳುಳ್ಳಿ ಪೇಸ್ಟ್, ಉದ್ದಕ್ಕೆ ಸೀಳಿದ ಹಸಿಮೆಣಸಿನ ಕಾಯಿ, ಅರಿಶಿನ, ಧನಿಯಾ ಪುಡಿ, ಖಾರದ ಪುಡಿ, ಉಪ್ಪು, ಕೊತ್ತಂಬರಿ ಸೊಪ್ಪು, ಪುದೀನ ಸೊಪ್ಪು ಸೇರಿಸಿ 2 ನಿಮಿಷ ಬೇಯಿಸಿ. ಇದಕ್ಕೆ ಅನ್ನ ಹಾಕಿ ಬೆರೆಸಿ. ಮೆಲಿಂದ ನಿಂಬೆ ರಸ ಹಿಂಡಿ. ಬೇಯಿಸಿದ ಮೊಟ್ಟೆಯನ್ನು ಕತ್ತರಿಸಿ ಇದಕ್ಕೆ ಸೇರಿಸಿ ನಿಧಾನವಾಗಿ ಮಿಶ್ರಣ ಮಾಡಿದರೆ ಎಗ್‌ರೆಸ್ ರೆಡಿ. 

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ.