ವಿಡಿಯೋ ಕಾಲ್ ಮೂಲಕ ಭಾವೀ ಪತಿಯ ಎದುರೇ ಜೀವಕಳೆದುಕೊಂಡ ಯುವತಿ

ಕೋಲ್ಕೊತ್ತಾ: ಭಾವೀ ಪತಿಯ ಜತೆ ಜಗಳವಾಡಿದ ಯುವತಿ ಆತನ ಎದುರೇ ವಿಡಿಯೋ ಕಾಲ್ ನಲ್ಲಿದ್ದಾಗ ಸ್ವಯಂ ಹತ್ಯೆ ಮಾಡಿಕೊಂಡ ಘಟನೆ ಪಶ್ಚಿಮ ಬಂಗಾಲದಲ್ಲಿ ನಡೆದಿದೆ.

ನಂದಿತಾ ರಾಯ್ (22) ಎಂಬಾಕೆ ಮೃತಪಟ್ಟವಳು. ಕಳೆದ ಇಬ್ಬರೂ ವಿಡಿಯೋ ಕಾಲ್ ವೇಳೆ ಜಗಳವಾಡಿಕೊಂಡಿದ್ದರು. ಈ ವೇಳೆ ಕೋಪಗೊಂಡ ನಂದಿತಾ ಆತ ನೋಡುತ್ತಿದ್ದಂತೆಯೇ ನೇಣು ಬಿಗಿದುಕೊಂಡಿದ್ದಾಳೆ. ಆದರೆ ಈ ವಿಚಾರವನ್ನು ಭಾವೀಪತಿ ಕುಟುಂಬಸ್ಥರ ಮುಂದೆ ಹೇಳಿಕೊಂಡಿರಲಿಲ್ಲ. ಆದರೆ ನಂದಿತಾ ಮೊಬೈಲ್ ಗೆ ಕರೆ ಮಾಡಿದಾಗ ಆಕೆ ಸ್ವೀಕರಿಸದೇ ಇದ್ದಾಗ ಸಂಶಯಗೊಂಡ ಆಕೆಯ ಕುಟುಂಬಸ್ಥರು ರೂಂಗೆ ತೆರಳಿ ಪರಿಶೀಲಿಸಿದಾಗ ಘಟನೆ ಬೆಳಕಿಗೆ ಬಂದಿದೆ. ಇದೀಗ ಭಾವೀಪತಿ ಮತ್ತು ಕುಟುಂಬಸ್ಥರ ಮೇಲೆ ಪ್ರಕರಣ ದಾಖಲಾಗಿದೆ.