Publish Date: Mon, 27 Apr 2026 (10:32 IST)
Updated Date: Mon, 27 Apr 2026 (10:37 IST)
ಕೋಲ್ಕತ್ತಾ: ಚಲಿಸುತ್ತಿರುವ ರೈಲಿನಿಂದ ಮಗು ಬಿದ್ದಿದ್ದು ರೈಲು ನಿಲ್ಲಿಸುವಂತೆ ಚೈನ್ ಎಳೆದರೂ ಪ್ರಯೋಜನವಾಗಲಿಲ್ಲ. ಮಗುವನ್ನು ಕಳೆದುಕೊಂಡ ತಾಯಿ ಕರುಳು ಕಿತ್ತುಬರುವಂತೆ ನೋವಿನಿಂದ ಅಳುವ ದೃಶ್ಯ ನೋಡುಗರ ಕಣ್ಣಂಚು ಒದ್ದೆ ಮಾಡುವಂತಿದೆ.
ಈ ಘಟನೆ ಜಲ್ಪೈಗುರಿ ಮತ್ತು ರಾಮನಗರ ನಡುವಿನ ರೈಲ್ವೇ ಪ್ರಯಾಣದ ವೇಳೆ ನಡೆದಿದೆ. ರೈಲುಗಳಲ್ಲಿ ತುರ್ತು ಸಂದರ್ಭದಲ್ಲಿ ರೈಲು ನಿಲ್ಲಿಸಲು ಚೈನ್ ಇರುತ್ತದೆ. ಆದರೆ ಇದು ಅಗತ್ಯ ಸಂದರ್ಭದಲ್ಲೇ ಪ್ರಯೋಜನಕ್ಕೆ ಬಾರದೇ ಇದ್ದರೆ ಇದ್ದೂ ಏನು ಪ್ರಯೋಜನ?
ಇಲ್ಲಿ ಆಗಿದ್ದೂ ಇದೆ. ಚಲಿಸುತ್ತಿದ್ದ ರೈಲಿನಿಂದ ಕೈ ಜಾರಿ ಮಗು ಕೆಳಕ್ಕೆ ಬೀಳುತ್ತದೆ. ತಾಯಿ ತಕ್ಷಣವೇ ಚೈನ್ ಎಳೆದು ರೈಲು ನಿಲ್ಲಿಸುವ ಪ್ರಯತ್ನ ಮಾಡುತ್ತಾರೆ. ಅಲ್ಲಿದ್ದ ಬೇರೆ ಪ್ರಯಾಣಿಕರೂ ಇದೇ ಪ್ರಯತ್ನ ಮಾಡುತ್ತಾರೆ. ಆದರೆ ಏನೇ ಮಾಡಿದರೂ ರೈಲು ನಿಲ್ಲುವುದಿಲ್ಲ.
ಮಗು ಕಳೆದುಕೊಂಡ ತಾಯಿ ನೋವಿನಲ್ಲಿ ಅಳುತ್ತಿರುತ್ತಾಳೆ. ಬಳಿಕ ಅಲ್ಲಿದ್ದ ಯುವಕನೊಬ್ಬ ಆರ್ ಪಿಎಫ್ ಮತ್ತು ಸ್ಥಳೀಯ ಪೊಲೀಸರಿಗೆ ಕರೆ ಮಾಡಿ ಮಾಹಿತಿ ನೀಡುತ್ತಾರೆ. ಇದೀಗ ಸ್ಥಳೀಯ ಪೊಲೀಸರು ಮತ್ತು ರೈಲ್ವೇ ಪೊಲೀಸರು ಮಗುವಿನ ಹುಡುಕಾಟಕ್ಕೆ ಪ್ರಯತ್ನ ನಡೆಸುತ್ತಿದ್ದಾರೆ.
About Writer
ಕೃಷ್ಣವೇಣಿ ಕೆ
Completed bachelor degree in Journalism and communication in SDMC Ujire. 15 years of experience as journalist. Worked as sub editor and reporter. Specialties in sports, politics and entertainment.....
ಮತ್ತಷ್ಟು ಓದಿ
