Daily Horoscope

Select Your Language

Notifications

webdunia
webdunia
webdunia
webdunia

ಇದು actually ಚೆನ್ನಾಗಿರೋದು.. ರೈಲಿಗೆ ಕಲ್ಲು ತೂರುತ್ತಿದ್ದವನ ಸೆರೆಹಿಡಿದು ಪೊಲೀಸರು ಮಾಡಿದ್ದೇನು ನೋಡಿ Video

Railway police caught stone pelter
ಚಲಿಸುವ ರೈಲುಗಳ ಮೇಲೆ ಕಲ್ಲು ತೂರಾಟ ನಡೆಸಿ ಪ್ರಯಾಣಿಕರ ಪ್ರಾಣಕ್ಕೆ ಅಪಾಯ ತಂದೊಡ್ಡುವ ಕಿಡಿಗೇಡಿಗಳಿಗೆ ಬಿಹಾರದಲ್ಲಿ ರೈಲ್ವೆ ಪೊಲೀಸರು ಸ್ಥಳದಲ್ಲೇ ತಕ್ಕ ಶಾಸ್ತಿ ಮಾಡಿದ್ದಾರೆ. ಚಲಿಸುತ್ತಿದ್ದ ರೈಲಿಗೆ ಕಲ್ಲು ಹೊಡೆಯುತ್ತಿದ್ದ ಇಬ್ಬರು ಯುವಕರನ್ನು ರೆಡ್ ಹ್ಯಾಂಡ್ ಆಗಿ ಹಿಡಿದ ಆರ್‌ಪಿಎಫ್ ಮತ್ತು ರೈಲ್ವೆ ಪೊಲೀಸರು, ಅವರು ಯಾವ ರೈಲ್ವೆ ಕ್ರಾಸಿಂಗ್‌ನಲ್ಲಿ ಕೃತ್ಯ ಎಸಗುತ್ತಿದ್ದರೋ ಅದೇ ಜಾಗದಲ್ಲಿ ಕಟ್ಟಿ ಹಾಕಿ ಬಾರಿಸಿರುವ ಘಟನೆ ಬೆಳಕಿಗೆ ಬಂದಿದೆ.

ಬಿಹಾರದ ರೈಲ್ವೆ ಹಳಿಯ ಸಮೀಪವಿರುವ ರೈಲ್ವೆ ಗೇಟ್ ಅಥವಾ ಕ್ರಾಸಿಂಗ್ ಬಳಿ ಇಬ್ಬರು ಕಿಡಿಗೇಡಿಗಳು ನಿಂತುಕೊಂಡು ಆ ಮಾರ್ಗವಾಗಿ ವೇಗವಾಗಿ ಚಲಿಸುತ್ತಿದ್ದ ರೈಲಿನ ಮೇಲೆ ಸರಣಿ ಕಲ್ಲು ತೂರಾಟ ನಡೆಸುತ್ತಿದ್ದರು. ರೈಲಿನ ಕಿಟಕಿ ಗಾಜುಗಳನ್ನು ಒಡೆದು, ಒಳಗಿರುವ ಪ್ರಯಾಣಿಕರಿಗೆ ಗಾಯಗೊಳಿಸುವ ಉದ್ದೇಶ ಇವರದ್ದಾಗಿತ್ತು. ಈ ಅಪಾಯಕಾರಿ ಕೃತ್ಯವನ್ನು ದೂರದಲ್ಲೇ ಗಸ್ತು ತಿರುಗುತ್ತಿದ್ದ ರೈಲ್ವೆ ರಕ್ಷಣಾ ಪಡೆ ಮತ್ತು ಪೊಲೀಸರು ಗಮನಿಸಿದ್ದಾರೆ.

ರೈಲು ದಾಟುತ್ತಿದ್ದಂತೆ ಪೊಲೀಸರು ಕ್ಷಿಪ್ರ ಕಾರ್ಯಾಚರಣೆ ನಡೆಸಿ ಕಲ್ಲು ತೂರುತ್ತಿದ್ದ ಇಬ್ಬರೂ ಆರೋಪಿಗಳನ್ನು ಸುತ್ತುವರಿದು ಹಿಡಿದಿದ್ದಾರೆ. ಅವರನ್ನು ಠಾಣೆಗೆ ಕರೆದೊಯ್ಯುವ ಮುನ್ನ, ಕಲ್ಲು ತೂರಾಟ ನಡೆಸಿದ ಅದೇ ರೈಲ್ವೆ ಕ್ರಾಸಿಂಗ್‌ನ ಕಬ್ಬಿಣದ ಕಂಬ ಅಥವಾ ಗೇಟ್‌ಗೆ ಇಬ್ಬರನ್ನೂ ಬಿಗಿಯಾಗಿ ಕಟ್ಟಿ ಹಾಕಿದ್ದಾರೆ . ತದನಂತರ ಸಾರ್ವಜನಿಕರ ಮುಖಭಂಗದ ನಡುವೆಯೇ ಪೊಲೀಸರು ಅವರಿಗೆ ಲಾಠಿಯಿಂದ ಮನಬಂದಂತೆ ಧರ್ಮದೇಟು ನೀಡಿದ್ದಾರೆ.

ಪೊಲೀಸರು ಕಾನೂನನ್ನು ಕೈಗೆತ್ತಿಕೊಂಡು ಈ ರೀತಿ ಸಾರ್ವಜನಿಕವಾಗಿ ಹೊಡೆದಿರುವ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ಭಾರಿ ವೈರಲ್ ಆಗಿದೆ. ಕಲ್ಲು ತೂರಾಟದಿಂದ ಎಷ್ಟೋ ಪ್ರಯಾಣಿಕರು ಕಣ್ಣು ಮತ್ತು ಪ್ರಾಣ ಕಳೆದುಕೊಂಡಿದ್ದಾರೆ, ಹೀಗಾಗಿ ಇಂತಹ ಕಿಡಿಗೇಡಿಗಳಿಗೆ ಇಂತಹುದೇ ತಕ್ಕ ಶಾಸ್ತಿ ಆಗಬೇಕು ಎಂದು ಬಹುತೇಕ ನೆಟ್ಟಿಗರು ಪೊಲೀಸರ ಕ್ರಮವನ್ನು ಬೆಂಬಲಿಸಿದ್ದಾರೆ. ಆದರೆ, ಕೆಲವರು ಪೊಲೀಸರು ಕಾನೂನುಬದ್ಧವಾಗಿ ಕ್ರಮ ಕೈಗೊಳ್ಳಬೇಕಿತ್ತು ಎಂದು ಅಭಿಪ್ರಾಯಪಟ್ಟಿದ್ದಾರೆ.

pic.twitter.com/wEmttutgrz

 

— Bhakt Prahlad???? (@RakeshKishore_l) July 4, 2026

Share this Story:

Follow Webdunia kannada

ಮುಂದಿನ ಸುದ್ದಿ

Video: ಗಂಡನನ್ನು ಕೊಂದು ಟಾಯ್ಲೆಟ್ ನಲ್ಲಿ ಹೂತಿಟ್ಟು ಆಸ್ಕರ್ ಲೆವೆಲ್ ಗೆ ಆಕ್ಟಿಂಗ್: ಉತ್ತರ ಪ್ರದೇಶದ ರೂಬಿ ಕಿಲ್ಲಿಂಗ್ ಕಹಾನಿ ಇಲ್ಲಿದೆ