ನನ್ನ ಬದುಕಿಸು! ಸಾವಿಗೂ ಮುನ್ನ ಸಹೋದರನಲ್ಲಿ ಬೇಡಿಕೊಂಡಿದ್ದ ಉನ್ನಾವೋ ಅತ್ಯಾಚಾರ ಸಂತ್ರಸ್ತೆ!

ನವದೆಹಲಿ: ತನ್ನ ವಿರುದ್ಧ ಅತ್ಯಾಚಾರ ಮಾಡಿದವರ ವಿರುದ್ಧ ಹೋರಾಡಿದ್ದಕ್ಕೆ ಅವರಿಂದಲೇ ಒಂದು ವರ್ಷದ ಬಳಿಕ ನಡು ರಸ್ತೆಯಲ್ಲಿ ಜೀವಂತ ದಹನವಾದ ಉನ್ನಾವೋ ಸಂತ್ರಸ್ತೆ ಕೊನೆಯದಾಗಿ ತನ್ನ ಸಹೋದರನಲ್ಲಿ ಹೇಳಿಕೊಂಡ ಮಾತುಗಳು ಎಂತಹವರಿಗೂ ಕಣ್ಣೀರು ತರಿಸುವಂತಿದೆ.

ಉನ್ನಾವೋ ಸಂತ್ರಸ್ತೆ ಕೋರ್ಟ್ ಗೆ ಹೋಗುವಾಗ ಅತ್ಯಾಚಾರಿಗಳು ಆಕೆಯ ಮೇಲೆ ಸೀಮೆ ಎಣ್ಣೆ ಸುರಿದು ಬೆಂಕಿ ಹಚ್ಚಿದ್ದರು. ತೀವ್ರವಾಗಿ ಗಾಯಗೊಂಡಿದ್ದ ಆಕೆಯನ್ನು ಸ್ಥಳೀಯರು ಆಸ್ಪತ್ರೆಗೆ ಸೇರಿಸಿದ್ದರು. ಶೇ. 90 ರಷ್ಟು ಸುಟ್ಟ ಗಾಯದಿಂದಾಗಿ ಆಕೆ ಅಂತಿಮವಾಗಿ ಆಸ್ಪತ್ರೆಯಲ್ಲಿ ನಿನ್ನೆ ಕೊನೆಯುಸಿರೆಳೆದಿದ್ದಾಳೆ.

ಆದರೆ ಇದಕ್ಕೂ ಮೊದಲು ಆಕೆ ಸಹೋದರನ ಬಳಿಕ ಕೊನೆಯ ಮಾತನಾಡಿದ್ದು ‘ನನ್ನ ಹೇಗಾದರೂ ಬದುಕಿಸು. ನನಗೆ ಅನ್ಯಾಯ ಮಾಡಿದವರು ಶಿಕ್ಷೆ ಅನುಭವಿಸುವುದನ್ನು ನಾನು ಕಣ್ಣಾರೆ ನೋಡಬೇಕು’ ಎಂದಿದ್ದಳಂತೆ! ಅಲ್ಲದೆ ಸಾಯುವ ಮೊದಲು ತನ್ನ ಮೇಲೆ ದಾಳಿ ಮಾಡಿದವರ ಬಗ್ಗೆ ಪೊಲೀಸರಿಗೆ ಹೇಳಿಕೆಯನ್ನೂ ನೀಡಿದ್ದಾಳೆ. ಈ ಪ್ರಕರಣವೀಗ ದೇಶದಲ್ಲಿ ತೀವ್ರ ಆಕ್ರೋಶಕ್ಕೆ ಕಾರಣವಾಗಿದೆ. ಆರೋಪಿಗಳನ್ನು ಈಗಾಗಲೇ ಬಂಧಿಸಲಾಗಿದೆ.