ಬೆಂಗಳೂರು: ಲೇಖಕಿ, ಇನ್ಫೋಸಿಸ್ ಮುಖ್ಯಸ್ಥೆ, ರಾಜ್ಯಸಭಾ ಸಂಸದೆ ಸುಧಾ ಮೂರ್ತಿ ಅವರಿಗೆ ಟೆಲಿಕಾಂ ಇಲಾಖೆಯ ಅಧಿಕಾರಿಯ ಸೋಗಿನಲ್ಲಿ ವಂಚನೆ ಮಾಡಲು ಯತ್ನಿಸಿದ ಬಗ್ಗೆ ದೂರು ದಾಖಲಾಗಿದೆ.
ಸೆಪ್ಟೆಂಬರ್ 5, 2025 ರಂದು ಸುಧಾಮೂರ್ತಿ ಅವರಿಗೆ ಕರೆ ಮಾಡಿದ ವಂಚಕರು, ತಮ್ಮ ಮೊಬೈಲ್ ಸೇವೆಗಳ ಸಂಪರ್ಕ ಕಡಿತಗೊಳಿಸುವುದಾಗಿ ಹೇಳಿ, ಸೂಕ್ಷ್ಮ ವೈಯಕ್ತಿಕ ಮಾಹಿತಿಯನ್ನು ಪಡೆಯಲು ಪ್ರಯತ್ನಿಸಿದರು ಎಂದು ಪೊಲೀಸ್ ದೂರಿನಲ್ಲಿ ದಾಖಲಾಗಿದೆ.
ಫೋನ್ ಸಂಖ್ಯೆಯನ್ನು ಆಧಾರ್ ಕಾರ್ಡ್‌ಗೆ ಲಿಂಕ್ ಮಾಡಿಲ್ಲ ಎಂದು ಸುಧಾಮೂರ್ತಿಗೆ ಹೇಳಿದ ವಂಚಕರು, ಮಧ್ಯಾಹ್ನದ ವೇಳೆ ಮೊಬೈಲ್ ಸೇವೆಗಳು ಕಡಿತಗೊಳ್ಳುತ್ತದೆ.
ಅದಲ್ಲದೆ ನಿಮ್ಮ ಮೊಬೈಲ್ ಸಂಖ್ಯೆ ಅಶ್ಲೀಲ ವಿಷಯಕ್ಕೆ ಲಿಂಕ್ ಮಾಡಲಾಗಿದೆ ಎನ್ನುವ ಮೂಲಕ ವೈಯಕ್ತಿಕ ಮಾಹಿತಿಯನ್ನು ಹೊರತೆಗೆಯಲು ಯತ್ನಿಸಿದ್ದಾರೆ.
ಫೋನ್ ಕರೆ ವೇಳೆ ವಂಚಕರು ಮೂರ್ತಿ ಅವರಿಗೆ ಬೆದರಿಕೆ ಮತ್ತು ನಿಂದನೆ ಮಾಡಿದ್ದಾರೆ ಎಂದು ವರದಿಯಾಗಿದೆ.
2025 ರ ಸೆಪ್ಟೆಂಬರ್ 20 ರಂದು ಬೆಂಗಳೂರು ಸೈಬರ್ ಪೊಲೀಸರಿಗೆ ಈ ಹುಸಿ ಕರೆಗೆ ಸಂಬಂಧಿಸಿದಂತೆ ದೂರು ದಾಖಲಾಗಿದ್ದು, ಆರೋಪಿಯನ್ನು ಬಂಧಿಸಲು ತನಿಖೆ ನಡೆಸಲಾಗುತ್ತಿದೆ.
ಕರೆಯು +91 9242142562 ಸಂಖ್ಯೆಯಿಂದ ಹುಟ್ಟಿಕೊಂಡಿದೆ, ಇದನ್ನು ಕಾಲರ್ ಐಡಿ ಅಪ್ಲಿಕೇಶನ್ ಟ್ರೂಕಾಲರ್‌ನಲ್ಲಿ "ಟೆಲಿಕಾಂ ಇಲಾಖೆ" ಎಂದು ಗುರುತಿಸಲಾಗಿದೆ.
