ಪಂಜಾಬ್‌ :ಹೆರಾಯಿನ್‌ ಪೊಟ್ಟಣ ಕಟ್ಟಿ ಸಾಗಾಣಿಕೆ ನಡೆಸುತ್ತಿದ್ದ ಡ್ರೋಣ್ ಒಂದನ್ನು ಗಡಿ ಭದ್ರತಾ ಪಡೆಯ ಯೋಧರು ಹೊಡೆದುರುಳಿಸಿದ್ದಾರೆ. ಅಮೃತಸರ ಜಿಲ್ಲೆಯ ಹೊರವಲಯದ ಹಳ್ಳಿಯೊಂದರಲ್ಲಿ ಈ ಘಟನೆ ನಡದಿದೆ.
ಪಾಕಿಸ್ತಾನದಿಂದ ಕೆಲವು ಉಗ್ರಗಾಮಿ ಸಂಘಟನೆಗಳು ಹಲವು ವರ್ಷಗಳಿಂದ ಪಂಜಾಬ್‌ ಗಡಿಯ ಮೂಲಕ ಭಾರತಕ್ಕೆ ಅಕ್ರಮವಾಗಿ ಮಾದಕವಸ್ತುಗಳನ್ನು ಸಾಗಾಣಿಕೆ ಮಾಡತ್ತಿದೆ. ಅನೇಕ ಬಾರಿ ಗಡಿ ಭದ್ರತಾ ಪಡೆ ಪಾಕ್‌ ನಿಂದ ಬಂದಿದ್ದ ಡ್ರೋಣ್ ಗಳನ್ನು ಪತ್ತೆಹಚ್ಚಿ ಹೊಡೆದುರುಳಿಸಿತ್ತು.
ಸಧ್ಯ ಅಮೃತಸರದಲ್ಲಿ ಸಿಕ್ಕಿರುವ ಡ್ರೋಣ್ ಮೂಲವನ್ನು ಪತ್ತೆ ಹಚ್ಚುತ್ತಿರುವ ಭಾರತೀಯ ಸೇನೆ ಇದನ್ನು ಎಲ್ಲಿಂದ ಚಲಾಯಿಸಲಾಗುತ್ತಿತ್ತು, ಇದರ ರಿಮೋಟ್‌ ಎಷ್ಟು ಕಿಮೀ ವ್ಯಾಪ್ತಿಯಿಂದ ಕಾರ್ಯ ನಿರ್ವಹಿಸುತ್ತಿತ್ತು ಎಂಬ ಬಗ್ಗೆ ಮಾಹಿತಿ ಕಲೆ ಹಾಕುತ್ತಿದ್ದಾರೆ.
