ಬಡತನದ ಕಾರಣದಿಂದ ತಿಂಗಳ ಗಂಡು ಮಗುವನ್ನು ಪೋಷಕರು ₹50,000ಗೆ ಮಾರಾಟ ಮಾಡಿದ್ದು, ಈ ಘಟನೆ ವರದಿ ಬೆನ್ನಲ್ಲೇ ಜಾರ್ಖಂಡ್ ಸಿಎಂ ಹೇಮಂತ್ ಸೊರೆನ್ ಅವರು ಮಗುವಿನ ರಕ್ಷಣೆಗೆ ಆದೇಶಿಸಿದ್ದಾರೆ.
ಸಿಕ್ಕಿರುವ ಮಾಹಿತಿ ಪ್ರಕಾರ ಮಗುವನ್ನು ಭಾನುವಾರ ಜಾರ್ಖಂಡ್ ಪೊಲೀಸರು ರಕ್ಷಿಸಿದ್ದಾರೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.
ಪಲಾಮು ಜಿಲ್ಲೆಯ ಲೆಸ್ಲಿಗಂಜ್ ಪ್ರದೇಶದ ದಂಪತಿಗಳು ತಮ್ಮ ಮಗನನ್ನು ₹50,000 ಕಡು ಬಡತನದಿಂದ ಮಾರಾಟ ಮಾಡಿದ್ದಾರೆ ಎಂದು ಲೆಸ್ಲಿಗಂಜ್ ಸರ್ಕಲ್ ಅಧಿಕಾರಿ ಸುನಿಲ್ ಕುಮಾರ್ ಸಿಂಗ್ ಹೇಳಿದ್ದಾರೆ.
ವಿಷಯವು ಮುನ್ನೆಲೆಗೆ ಬರುತ್ತಿದ್ದಂತೆ, ಪಲಾಮು ಜಿಲ್ಲಾಡಳಿತವು ಕುಟುಂಬವನ್ನು ತಲುಪಿತು ಮತ್ತು ಅವರಿಗೆ 20 ಕೆಜಿ ಆಹಾರಧಾನ್ಯವನ್ನು ಒದಗಿಸಿತು ಮತ್ತು ಕಲ್ಯಾಣ ಯೋಜನೆಗಳ ಅಡಿಯಲ್ಲಿ ಅವರನ್ನು ದಾಖಲಿಸಲು ಪ್ರಯತ್ನಗಳನ್ನು ಪ್ರಾರಂಭಿಸಿತು ಎಂದು ಅಧಿಕಾರಿ ಹೇಳಿದರು.
ಮಗುವಿಗೆ ಜನ್ಮ ನೀಡಿದ ನಂತರ ಅಸ್ವಸ್ಥರಾಗಿದ್ದ ಪತ್ನಿ ಪಿಂಕಿ ದೇವಿ ಅವರಿಗೆ ಜೀವನ ನಡೆಸಲು ಅಥವಾ ಚಿಕಿತ್ಸೆ ಕೊಡಿಸಲು ಹಣವಿಲ್ಲದ ಕಾರಣ ಸಮೀಪದ ಹಳ್ಳಿಯ ಟೌಟ್ ದಂಪತಿಗೆ ಮಗನನ್ನು ಮಾರಾಟ ಮಾಡಿರುವುದಾಗಿ ತಂದೆ ರಾಮಚಂದ್ರ ರಾಮ್ ಮಾಧ್ಯಮಗಳಿಗೆ ತಿಳಿಸಿದ್ದಾರೆ.
ಅವಳ ಚಿಕಿತ್ಸೆಗಾಗಿ ಅಥವಾ ಆಹಾರಕ್ಕಾಗಿ ವ್ಯವಸ್ಥೆ ಮಾಡಲು ನನ್ನ ಬಳಿ ಹಣವಿರಲಿಲ್ಲ ಎಂದು ರಾಮ್ ಹೇಳಿದರು.
ದಿನಗೂಲಿ ಕಾರ್ಮಿಕರಾಗಿದ್ದ ಇವರು ಕಳೆದ ಕೆಲವು ತಿಂಗಳುಗಳಿಂದ ನಿರಂತರ ಮಳೆಯಿಂದಾಗಿ ನಿರುದ್ಯೋಗಿಗಳಾಗಿದ್ದರು.
