ತರುಣಿ ಎಂದು 54ರ ಅಂಟಿಯನ್ನು ಮದುವೆಯಾದ ವರ!

ಎರಡನೇ ವಿವಾಹಕ್ಕಾಗಿ ಹುಡುಕಾಟ ನಡೆಸುತ್ತಿದ್ದ ವಿಚ್ಛೇದಿತ ವ್ಯಕ್ತಿಯೊಬ್ಬನನ್ನು 54ರ ಪ್ರಾಯದ, ಎರಡು ಮಕ್ಕಳ ತಾಯಿಯೊಬ್ಬಳು ತಾನು 30 ರ ಹರೆಯದ ಹೆಣ್ಣು ಎಂದು ಹೇಳಿ ವಿವಾಹವಾಗಿ ಮೋಸ ಮಾಡಿದ ಘಟನೆ ತಮಿಳುನಾಡಿನಲ್ಲಿ ನಡೆದಿದೆ.

ಸಾವಿರ ಸುಳ್ಳು ಹೇಳಿ ಒಂದು ಮದುವೆ ಮಾಡು ಎಂಬ ಮಾತು ಚಾಲ್ತಿಯಲ್ಲಿದೆ. ಇದನ್ನೇ ಅನೇಕರು ನಿಜ ಜೀವನದಲ್ಲಿ ಕಾರ್ಯರೂಪಕ್ಕೆ ತರುತ್ತಿದ್ದಾರೆ. ಎರಡನೇ ವಿವಾಹಕ್ಕೆ ಸಿದ್ಧರಾದ ಡಿವೋರ್ಸಿಗಳೇ ಇಂತಹ ಮೋಸಗಾರರ ಟಾರ್ಗೆಟ್ ಆಗಿದ್ದಾರೆ.

ತಮಿಳುನಾಡಿನ  ತಿರುವಳ್ಳೂರು ಜಿಲ್ಲೆಯ ಪುದುಪೆಟ್ಟೈನ 65 ವರ್ಷದ ಇಂದ್ರಾಣಿ ಎಂಬ ಮಹಿಳೆ ಖಾಸಗಿ ಸಂಸ್ಥೆಯಲ್ಲಿ ಮ್ಯಾನೇಜರ್ ಆಗಿ ಕೆಲಸ ಮಾಡುತ್ತಿರುವ ತನ್ನ ವಿಚ್ಛೇದಿತ ಮಗ(35) ನೊಂದಿಗೆ ವಾಸ ಮಾಡುತ್ತಿದ್ದರು.

ಆರು ವರ್ಷಗಳಿಂದ, ಇಂದ್ರಾಣಿ ಅವರು ತಮ್ಮ ವಿಚ್ಛೇದಿತ ಮಗನಿಗಾಗಿ ಹುಡುಗಿಯ ಹುಡುಕಾಟದಲ್ಲಿದ್ದರು. ಕೊನೆಗೂ ಅವರಿಗೆ ದಲ್ಲಾಳಿ ಮೂಲಕ ಕಳೆದ ವರ್ಷ ಆಂಧ್ರಪ್ರದೇಶದ ತಿರುಪತಿ ಜಿಲ್ಲೆಯ ಪುತ್ತೂರು ಮೂಲದ ಶರಣ್ಯ ಎಂಬ ಮಹಿಳೆಯ ಪರಿಚಯವಾಗಿತ್ತು.

ನಂತರ ಮದುವೆಯ ಮಾತುಕತೆಗಾಗಿ ಇಂದ್ರಾಣಿ ಅವರು ಶರಣ್ಯ ಅವರ ನಿವಾಸಕ್ಕೆ ಬರಲು ಸಿದ್ಧತೆ ನಡೆಸಿದರು. ಇತ್ತ ತನ್ನನ್ನು ನೋಡಲು ಗಂಡಿನ ಕಡೆಯವರು ಬರುತ್ತಾರೆ ಎಂಬ ವಿಚಾರ ತಿಳಿದ 54 ವರ್ಷದ ಶರಣ್ಯ ಬ್ಯೂಟಿ ಪಾರ್ಲರ್ಗೆ ಭೇಟಿ ನೀಡಿ ತನ್ನನ್ನು ಸುಂದರ ತರುಣಿಯಂತೆ ಅಲಂಕರಿಸಿಕೊಂಡು ಬಂದಿದ್ದಾರೆ.