Select Your Language

Notifications

webdunia
webdunia
webdunia
webdunia

ವೈದ್ಯರ ಎಡವಟ್ಟು! ಮಹಿಳೆಯ ಹೊಟ್ಟೆಯೊಳಗೆ ಪತ್ತೆಯಾಗಿದ್ದು ಏನು ಗೊತ್ತಾ?!

ವೈದ್ಯರ ಎಡವಟ್ಟು! ಮಹಿಳೆಯ ಹೊಟ್ಟೆಯೊಳಗೆ ಪತ್ತೆಯಾಗಿದ್ದು ಏನು ಗೊತ್ತಾ?!
ಮುಂಬೈ , ಮಂಗಳವಾರ, 4 ಡಿಸೆಂಬರ್ 2018 (09:21 IST)
ಮುಂಬೈ: ವೈದ್ಯರ ಎಡವಟ್ಟಿನಿಂದಾಗಿ ಮಹಿಳೆಯೊಬ್ಬಳು ಕಳೆದ ಒಂದು ತಿಂಗಳಿನಿಂದ ಸಾವು ಬದುಕಿನ ನಡುವೆ ಹೋರಾಟ ನಡೆಸಬೇಕಾಗಿ ಬಂದಿದೆ. ಇದು ನಡೆದಿರುವುದು ಮುಂಬೈಯಲ್ಲಿ.


ಹೆರಿಗೆಗೆಂದು ನಗರದ ಸರ್ಕಾರಿ ಆಸ್ಪತ್ರೆಗೆ ದಾಖಲಾದ ಮಹಿಳೆಗೆ ಸಿಸೇರಿಯನ್ ಮಾಡಬೇಕಾಗಿ ಬಂತು. ವೈದ್ಯರು ಸಿಸೇರಿಯನ್ ಮೂಲಕ ಮಗುವನ್ನೇನೋ ಯಶಸ್ವಿಯಾಗಿ ಹೊರತೆಗೆದಿದ್ದರು. ಆದರೆ ಹೆರಿಗೆಯಾದ ಕೆಲವೇ ನಿಮಿಷಗಳಲ್ಲಿ ಮಹಿಳೆಯ ದೇಹ ನೀಲಿಗಟ್ಟಿತ್ತು. ಏನೇನು ಮಾಡಿದರೂ ಇಲ್ಲಿನ ವೈದ್ಯರಿಗೆ ಇದರ ಹಿಂದಿನ ಮರ್ಮ ಗೊತ್ತಾಗಲಿಲ್ಲ.

ಕೊನೆಗೆ ಮಹಿಳೆಯನ್ನು ನಗರದ ಮತ್ತೊಂದು ಆಸ್ಪತ್ರೆಗೆ ದಾಖಲಿಸಲಾಯಿತು. ಸಾಕಷ್ಟು ಪರೀಕ್ಷೆ ಮಾಡಿದ ವೈದ್ಯರಿಗೆ ಕೊನೆಗೆ ಮಹಿಳೆಯ ಹೊಟ್ಟೆಯೊಳಗೆ ಏನೋ ವಸ್ತು ಇರುವುದು ಪತ್ತೆಯಾಯಿತು. ಪರೀಕ್ಷಿಸಿ ನೋಡಿದಾಗ ಸರ್ಜಿಕಲ್ ಸಲಕರಣೆಯೊಂದು ಹೊಟ್ಟೆಯೊಳಗಿದೆ ಎನ್ನುವುದು ಗೊತ್ತಾಗಿದೆ. ಸರ್ಕಾರಿ ಆಸ್ಪತ್ರೆಯ ವೈದ್ಯರು ಸಿಸೇರಿಯನ್ ಹೆರಿಗೆ ಮಾಡುವಾಗ ಮಹಿಳೆಯ ದೇಹದೊಳಗೆ ಸರ್ಜಿಕಲ್ ಸಲಕರಣೆ ಬಾಕಿ ಉಳಿಸಿ ಎಡವಟ್ಟು ಮಾಡಿದ್ದರು. ಕೊನೆಗೆ ಇದೀಗ ಮಹಿಳೆಯ ದೇಹದಿಂದ ಆ ವಸ್ತುವನ್ನು ಹೊರತೆಗೆಯಲಾಗಿದೆ. ಹಾಗಿದ್ದರೂ ಆಕೆಯ ಸ್ಥಿತಿ ಚಿಂತಾಜನಕವಾಗಿಯೇ ಇದೆ. ಇನ್ನು, ಆಕೆಯ ನವಜಾತ ಮಗು ಇದುವರೆಗೆ ಅಮ್ಮನನ್ನೇ ನೋಡಿಲ್ಲ. ಮಗುವಿಗೆ ಫಾರ್ಮುಲಾ ಹಾಲುಣಿಸಲಾಗುತ್ತಿದೆ ಎನ್ನಲಾಗಿದೆ. ಇದೀಗ ಮಹಿಳೆಯ ಪತಿ ವೈದ್ಯಕೀಯ ಕೌನ್ಸಿಲ್ ಗೆ ವೈದ್ಯರ ಎಡವಟ್ಟಿನ ಬಗ್ಗೆ ದೂರು ನೀಡಲಿದ್ದಾರಂತೆ.

ತಾಜಾ ಸುದ್ದಿಗಳನ್ನು ಓದಲು ವೆಬ್ ದುನಿಯಾ ಮೊಬೈಲ್ ಆಪ್ ಡೌನ್ ಲೋಡ್ ಮಾಡಿಕೊಳ್ಳಿ.     

Share this Story:

Follow Webdunia kannada

ಮುಂದಿನ ಸುದ್ದಿ

ನಾನೊಬ್ಬ ಕಾಂಗ್ರೆಸಿಗ, ನನ್ನ ಪಕ್ಷದ ವಿರೋಧಿಗಳೊಂದಿಗೆ ನಾನೆಂದು ಗುಪ್ತವಾಗಿ ಮಾತನಾಡಿಲ್ಲ- ಶಾಸಕ ಸುಧಾಕರ್